Татар теле һәм әдәбияты укытучысы Габделхакова Р.Г. 6 нчы сыйныфлар белән Җиңүнең 70 еллыгына багышлап  "Бөек Ватан сугышында халкымның батырлыгы" темасына дәрес үткәрде.

5 нче сыйныфлар белән рус теле укытучысы Иванова Н.А.  әти-әниләр өчен ачык дәрес үткәрде. Фикер алышулар вакытында укучыларга бик тырышып рус телен өйрәнергә кирәклегенә басым ясалды. 

Спорт сәламәтлек айлыгының тагын бер матур чарасы - башлангыч сыйныфлар өчен "Мальчиш-Кибальчиш - 2015" уены оештырылды. Укучылар бик тырышып ярыштылар, кайткач тәмле итеп чәй эчтеләр, бәрәңге ашадылар.

Бөек Җиңүнең 70 еллыгы уңаеннан Ватанны саклаучылар көненә багышланган "Әтиләрдә туган ил көче" исемле әдәби-музыкаль кичә үткәрелде Кичәдә патриотик җырлар яңгырады, сугыш чорын чагылдырган тирән эчтәлекле чыгышлар, дәртле биюләр бер-берсен тулыландырып барды. Әтиләр тапкырлык, зирәклек, җитезлектә көч сынашты.

Беренче сыйныф укучылары Галиев Айдар һәм Гыйльметдинов Әлфис әйләнә-тирә буенча дистанцион конкурста катнашып дипломга ия булдылар. 

Җиңүнең 70 еллыгына багышлап үткәрелүче чаралар исемлегендә авылдашыбыз Тәлгать Гыйльванов истәлегенә оештырылган волейбол ярышы да бар.  22 февраль көнне узган ярышта 7 команда катнашты. Беренче урында - полиция хезмәткәрләре, икенчедә - "Студент-1" командасы, өченчедә - "Авыл яшьләре".

Уен мизгелләре һәм протокол белән фотогалереяда таныша аласыз.

23 февраль бәйрәменә багышлап егетләр кичәсе уздырылды. Кичәнең бер өлешендә -  Җиңүнең 70 еллыгына карата сораулар бәйгесендә егетләр матур җаваплары белән сөендерделәр. 

Мәктәпнең егетләр волейбол командасы район ведомстоводан тыш сакчылык бүлеге хезмәткәрләре белән дуслык матчы үткәрде һәм җиңүгә иреште.

Район сакчыллык бүлегендә эшләүче егетләр укучылар белән очрашуга килделәр һәм саклану кагыйдәләре буенча  мастер класс күрсәттеләр. Алтындай вакытларын кызганмыйча бу чарага килгән егетләргә, җитәкчеләре Хәйретдинов Айдар Фоат улына укучылар һәм укытучылар исеменнән зур рәхмәтебезне җиткерәбез.

Бөек Җиңүнең 70 еллыгы якынлашкан көннәрдә укучылар тыл ветераннарына аеруча игътибарлы булырга тырышалар: тимурга барып, карларын көрәп кайталар. Шулай ук авыл уртасындагы һәйкәлне дә чистартып, тәртипләп тоталар.