Бөек Җиңү көненә багышлап укучыларыбыз төрле чараларда катнашалар. 7 нче сыйныф укучысы Гарипова Гөлсөя "Яшь программист" конкурсының район этабында Җиңүгә багышланган "Компьютер презентациясе" номинациясендә призер булды. Афәрин, Гөлсөя!

В рамках декады родного языка проводилось внеклассное мероприятие для 6-7 классов "Красота человеческая". 

Татар теле буенча олимпиаданың 2 нче турында җиңүчеләр: 5 сыйныфтан Габделхаков Нияз, 6 сыйныфтан Гаязетдинова Рәмзия.

Табигатҗ атналыгы кысаларында уздырылган викторина сорауларына иң тулы җавап бирүчеләр: 7 нче сыйныфтан - Алсу белән Гөлфинә, 6 нчы сыйныфтан - Рәмзия белән Гөлшат.

28 февральдән мәктәп буенча "70 еллыкка 70 "5"ле" акциясе башланып киткән иде. Бу атна ахырында аның нәтиҗәләре дә билгеле булачак. Тагы бер атна буе укучылар "5"леләр сафын арттыра алалар әле.

Тыл верераннары, сугыш чоры балалары  белән очрашулар үткәргәндә иң сокландырганы - өлкәннәрнең хәтерле булуы. Ул еллар, көннәр турында алар бөтен нечкәлекләре белән сәгатьләр буе сөйли алалар. Әбиләрнең сөйлисе килә. Шуңа күрә алар белән ешрак очрашырга кирәк. Шушы сәбәп белән 3 нче сыйныф укучылары сыйныфташлары Зилиянең әбисендә кунак булдылар.

Авыл китапханәчесе Хадиева Рафилә апа Җиңү көненә багышлап, укучылар катнашуында,  тыл ветераннары белән очрашу үткәрде. Очрашуга килгән әбиләр үзләренең онытылмас истәлекләре белән уртаклаштылар.

"Непоседа" һәм "Тридевятое царство" журналларына язылып 4 сыйныф укучысы Шәйхиева Язгөл бүләккә ия булды. Бүләкнең дә иң зурысы - рюкзак.

5 нче сыйныф укучыларына "Сугыш корбаннары" исеме астында тәрбия сәгате үткәрелде. Шулай ук "Үлемсез полк" акциясендә катнашу өчен дә укучылар үзләренең бабалары, туганнары турында истәлекләрне  барлап бетерделәр.

7 сыйныф укучысы Гарипова Гөлсөя Бөек Ватан сугышы, Җиңү темаларына багышлап "Могҗизалар кыры" уенын презентация формасында эшләде һәм районда үткәрелгән конкурста актив катнашты.