Китапханәче Рафилә апа Һадиева 6 нчы сыйныф укучылары белән Әдәплелек дәресе үткәрде, укучыларга тәрбия турында бик күп матур фикерләрен җиткерде.

Бертуган Әхмәдиевлар призына уздырылган көрәш мәктәбебез өчен уңышлы булды: катнашучыларыбызның барысы да призлы урыннар яулады.

28 нче январь көнне мәгариф хезмәткәрләре арасында уздырылган Кышкы спартакиада ярышларында мәктәбебез командасы төп мәктәпләр арасында беренче булды.

Белемле кеше меңне егар, дип  5 нче сыйныфлар тырышып укыйлар. Алар бүген математикадан контроль эш эшләделәр.

7 сыйныф укучысы Гаязетдинова Рәмзия һәм 8 нче сыйныфтан Сабитова Алсу армспорт буенча 2нче һәм 3 нче урыннарны алып кайттылар.

5 нче сыйныф укучысы Шәйхиева Язгөл яхшы уку белән беррәттән, конкурсларда да актив катнаша - рус әкиятләре буенча үткәрелгән дистанцион викторинада катнашып, 50 мөмкинлектән 47 балл туплады.

"Бозда сак бул!" акциясе кысаларында үткәрелгән рәсем конкурсында 4 нче сыйныфтан Зилия, 2 нче сыйныфтан Фәнзил һәм Әлфис актив катнаштылар.

"Төгәл фәннәр атналыгыны"ң тагын бер  чарасы - 7-9 сыйныфлар өчен "Безнең уен" үткәрелде. Уенда "Зирәкләр" һәм "Яшь математик" командалары көч сынашты.

20 нче январь көнне ел саен үткәрелеп килүче кышкы кросс зур активлык белән үтте. Барлык гаиләләр дә  катнашты, аеруча Зиннәтуллиннар һәм Низамовлар - алар гаиләсеннән 13 катнашучы теркәлде. "Иң кечкенә катнашучы"лар булып яшь ярымлык Гарипова Гөлсем, 2 яшьлек Нигъмәтуллин Ислам, ә "Иң өлкән катнашучы" булып - Мифтахова Җәүһәрия апа танылды.

Әти-әниләр катнашында 6 нчы  һәм 2 нче сыйныфларда татар теленнән ачык дәресләр узды. Татар теле укытучысы Мифтахова Р.Б. һәм 2 сыйныф укытучысы Гайфуллина Э.Г. дәресләрне бик матур, җанлы, кызыксындыра торган итеп үткәрделәр.