5 нче сыйныфлар инвалидлар декадасы башлану уңаеннан авылдашыбыз Ранил Гыйльванов, райондашыбыз Чулпан Габделганиева тормышлары, язмышлары  белән таныштылар.  

Башлангыч сыйныф укучылары, сыйныф җитәкчеләре оештыруында "Җәннәт әниләрнең аяк астында" дип исемләнгән кичә үткәрделәр. 

19 нчы ноябрь көнне мәдәният йорты каршында эшләп килүче,  4,5,6 нчы сыйныф укучыларыннан торган курайчылар ансамбле Малмыж шәһәрендә узган конкурста дипломант булдылар.

Полиция хезмәткәрләре укучылар белән очрашып, аларга психотроп матдәләр турында мәгълүмат бирделәр.

6 нчы сыйныф укучысы Мифтахов Әсхәт Буа шәһәрендә үткәрелгән "Шәҗәрәләр - нәсел агачы" конкурсында беренче урынны алды.

Мәктәпнең кызлар баскетбол командасы "Кес-баскет" баскетбол ярышында төп мәктәпләр арасында 3 нче урынны алдылар. Тренерлары: Галимов И.М.

2 сыйныф укучылары мәктәп китапханәсендә китап турында әңгәмә үткәрделәр.

5-6 сыйныф укучылары "Юный исследователь" түгәрәгендә шөгыльләнәләр.

Ниһаять беренче чирек тәмамланды. Укучыларга чирек билгеләре чыгарылды, инструктажлар үткәрелде., юл йөрү кагыйдәләре тагын бер кабат исләренә төшерелде. Укучылар 29 октябрьдан 6 нчы ноябрьне кертеп ял итәчәкләр. 

Мәктәбебездә ГИБДД инспекторлары булып, башлангыч сыйныф укучыларына юл йөрү кагыйдәләре, аларны үтәмәгән очракта булырга мөмкин күңелсезлекләр турында сөйләделәр һәм беренче сыйныф укучыларына бүләкләр бирделәр.