6 марта в рамках недели русского языка и литературы был проведен конкурс знатоков русского языка "Слабое звено". Победителем стала ученица 10 класса Каримова Ильзира. Хорошие знания показал также ученик 5 класса Гиляров Дмитрий. 

6 март көнне Урсай урта мәктәбендә халыкара хатын - кызлар көненә багышланган бәйрәм концерты үтте. Чарага мәктәптә эшләп лаеклы ялга чыккан ветераннар да чакырылды. Укучыларның җырлы- биюле тамашасын бик яратып карадылар.Котлаулар һәм теләкләр  чәй табыны артында да яңгырады. Бәйрәм белән сезне, хөрмәтле хатын- кызларыбыз!

1 март көнне Урсай авылында Кәримов Р.И. һәм Ярмиев Р.Н. истәлекләренә көрәш бәйгесе узды. Әлеге чарада республикакүләм " Җиңүнең 70 еллыгына - 70000 лалә чәчәкләре " акциясенә старт бирелде. Укучыларның тырышлыгы белән  оештырылган  ярминкәдән лалә чәчәкләре суганчалары алырга 2250 сум акча җыелды. Бәйрәм төрле милли  һәм ишегалды бәйрәмнәре, җыр - биюләр белән үреле п бардыю

27 нче февраль көнне Урсай урта мәктәбендә "Әлифба бәйрәме" узды. 1 нче сыйныф укучылары укытучылары Насибуллина Рәмилә Фоат кызы белән берлектә бик әчтәлек һәм матур бәйрәм күрсәттеләр. 1 нче сыйныф укучыларын олы җиңүләре белән әти-әниләр , мәктәп админстрациясе котлады. Барлык укучыларга дипломнар һәм бүләкләр тапшырылды.

Хәрби - патриотик айлык кысаларында 22 нче февраль  укучылар батыр сугышчыларның истәлегенә авыл һәйкәленә венок салдылар. 

Хәрби -  патриотик айлык кысаларында мәктәптә патриотик җыр белән стройда йөрү буенча конкурс игълан ителде. 22 нче февраль көнне әлеге конкурс зур җаваплылык белән узды. 

21нче февральдә мәктәптә татар теле һәм әдәбияты укытучысы Мостафина Айгөл Назыйф кызы җитәкчелегендә  Халыкара туган тел көненә багышланган чара  уздырылды.   Анда 2 , 4 һәм 7 нче сыйныф укучылыры  чыгыш ясады.Туган тел турында шигырьләр, җырлар башкардылар, туган телебез-татар теле турында кызыклы,файдалы  мәгълүматлар бирделәр.

Бәйрәм ахырында  бар укучылар һәм укытучылар, аягүрә басып,  Г.Тукайның “Туган тел” җырын җырладылар. 

Математика атналыгы уңаеннан 19 нчы февраль көнне  укытучы Насибуллина Әминә Зәкиулла кызы 7 нче сыйныфта алгебрадан районкүләм ачык дәрес үткәрде. 

Яшь  сайлаучы көне уңаеннан мәктәп күләмендә укучылар өчен сайлау һәм сайлаучы темасына багышланган китап, брошюралар   күргәзмәсе  оештырылды. Күргәзмә атна дәвамында эшләячәк.

17 нче февральдән 22 нче февральгә кадәр мәктәптә математика һәм информатика атналыгы үтә. Укучыларны актив булырга чакырып калабыз һәм уңышлар телибез!