20 июнь көнне ял лагеры планы нигезендә балалар авылыбызның сугыш ветераны Мухаметгалиев Зөфәр  абый белән очрашуга бардылар. Зөфәр абый авырып торса да, балалар белән очрашып сөйләшү өчен көчен җәлләмәде. Аңа зур рәхмәтебезне белдерәбез, сәламәтлек теләп калабыз.

 22 июнь -  хәтер һәм кайгы көнен билгеләп үтүгә әзерлек бара. Мәктәп яны "Дуслык" лагеры балалары хәрби - патриотик темага багышланган рәсемнәр ясау белән мәшгуль булдылар.  

17 июня в пришкольных лагерях нашей школы прошли развлекательные игры в рамках месячника "Жизнь без наркотиков".   

В связи погодными условиями 16 июня для воспитанников был организован показ видеороликов на тему "Жизнь без наркотиков". Был организован  конкурс " Я выбираю жизнь! "

Мәктәптә ял һәм хезмәт лагерьлары яхшы гына эшли. Хезмәт лагеры кызлары флаглар тегү белән мәшгуль булсалар, егетләр территориядә чистарту эшләре алып бардылар. 

13 июнь көнне Бөтендөнья әтиләр көненә багышланган футбол ярышы узды. Укучылар һәм  Әтиләр командалары  көч сынашты. Нәтиҗәдә 5:7 исәбе белән  әтиләр командасы җиңү яулады. Афәрин! 

9 июнь көнне "Дуслык " ял лагерында индейцлар көне узды. Балалар яшерелгән "индейцлар алтынын" эзләделәр. 

Мәктәптә булдырылган сәламәтләндерү һәм хезмәт лагерьлары гөрләп эшли. "Дуслык"  лагеры балалары бүген герой Олег  Кошевой исеме бирелгән урамга сәяхәт кылдылар. Кызыклы мәгълүмат белән таныштылар, шул урамда гомер кичерүче авыл ветераннар советы рәисе Зарипова Рузилә апа белән очраштылар. 

3 нче июнь көнне  мәктәбебез базасында башлангыч сыйныф укучылары өчен сәламәтләндерү ,8,10 нчы сыйныфларга ял һәм хезмәт лагерлары үз ишекләрен ачты. 1 сменалы әлеге мәктәп лагерларында 40 бала файдалы һәм күңелле ял итәчәк. "Дуслык" һәм " Кырмыскалар" лагерьларына күңелле яллар телибез!

30 нчы май көнне мәктәбебездә матур традициягә әверелгән тантаналы линейка үтте. Линейкада уку елына йомгак ясалды, төрле өлкәләрдә  уңышларга ирешкән  укучылар билгеләп үтелде. Бәйрәм кунагы- "Нефтемаш " заводының техник директоры  Гарифуллина Э.А. булды. Ул "Яшь конструктор"  номинациясендә җиңүче һәм дипломант булган 2 укучыга кыйммәтле бүләкләр тапшырды.  Киләсе уку елында безнең укучылар  тагын зуррак үрләр яулар  дип калабыз.