“Әхлак” түгәрәгенә йөрүче укучылар “Җомга көн” бәйрәме үткәрделәр. Бәйрәм,  шигырь-мөнәҗәт әйтүләр, уеннар, догалар уку, халкыбызның борынгы көйләрен тыңлау белән үрелеп  барды.  Өстәл артында коймак белән чәй эчү дә бәйрәмгә ямь өстәде. Түгәрәк җитәкче Вәлиева Гадения :“Җомга көннәрен зурлап үткәрергә насыйп булсын” дигән теләктә бәйрәмне йомгаклады. Килгән кунаклар бәйрәмнән матур хисләр белән таралдылар.

Бүген мәктәптә физкультура укытучыларының район семинары булып узды. Укытучысы Абдуллаҗанов Р.Г.

Бүген Күшәр төп белем бирү мәктәбендә 6 нчы сыйныф укучылары арасында 23 нче февраль һәм 8 нче март бәйрәмнәрен берләштереп үткәрелгән "Ягез  әле, сыйныфташлар!" дип исемләнгән тематик бәйрәм кичәсе үткәрелде. Сыйныф җитәкчесе Галиева З.И.

Бүген гуманитар фәннәр метод берләшмәсе җитәкчесе, рус теле укытучысы Йосыпова Гөлфинә Гарифулла кызы тәҗрибә уртаклашу максатыннан 7 нче сыйныфта ачык дәрес күрсәтте.

Бүген мәктәп күләмендә чаңгы ярышы булды. Башлангыч, урта, югары сыйныфларда җиңүчеләр билгеләнде.

8-9 нчы сыйныф укучылары арасында "Брейн-ринг" уздырылды. Бәйрәм "Туган тел" җырын күмәк җырлап тәмамланды.

18 февраль көнне "Әтнә туган якны өйрәнү музее" хезмәткәре Зайнуллина Гөлия белән  "Әтнә районы Бөек Ватан сугышы елларында" темасына очрашу булды. 

Мәктәбебезнең 8 нче сыйныф укучысы Сәмигуллин Илзт (җитәкчесе - Аскаров Фаил Мәлик улы) технология фәне буенча уздырылган олимпиаданың Республика турында катнашты. 3 көн буена сузылган бәйгедән укучыбыз зур җиңү яулап кайтты. Ул - призер! Афәрин, Илзат!