Мәктәп яны тәҗрибә участокларында кызу эш вакыты. Укучылар җир казу, түтәл ясау эшләрен башкардылар. Яшелчәләрдән суган, кишер, чөгендер утыртылды.

12 май - халыкара урман утырту көне уңаеннан агач утырту акциясендә мәктәп укучылары теләп катнаштылар. Мәктәп территориясенә, мәчет һәм мәдәният йорты янына имән, нарат агачы үсентеләре утыртылды.

Район күләмендә уздырылган спорт бәйрәмендә укучылар теләп катнаштылар. 8 нче сыйныф укучысы Муртазина Зөһрә  биеклеккә сикерү буенча 2 урынга лаек булды. Котлыйбыз. 

"Ашыт" Дәүләт табигать заказнигы үткәргән "Марш парков-2012" конкурсында укучылар бик теләп катнаштылар . Барлык укучыларга дипломнар тапшырдылар. 3 сыйныф укучысы Газизова Зөһрә, 5 сыйныф укучысы Садриева Энҗе, 6 сыйныф укучысы Хисмәтуллина Зөһрә "Лукоморье" номинациясе буенча III дәрәҗә дипломга һәм йомшак уенчыкка ия булдылар. Табигатьне саклау безнең бурыч.

Бөек Җиңүнең 67еллыгы уңаеннан һәйкәл янында  бәйрәм тантанасы булды,венок куелды. Бердәнбер  исән ветераныбыз Мозаффаров Рәхим бабай укучылар алдында чыгыш ясады. Тыныч көннәрнең кадерен белегез,балалар, диеп белдерде ветеран. 

Районкүләм 3-4 сыйныфлар өчен уздырылган"АБВГДейка эрудит" конкурсында 4 сыйныф укучысы Газизова Зөһрә 2 урын алды. 

Әтнә районы мәктәпләре арасында уздырылучы "Без бит Әтнә яклары" иҗат фестиваленең гала концерты узды. Мәртәбәле жюри тарафыннан конферанс номинациясендә Сафин И. һәм Садриева Э. дипломант исеменә лаек булдылар. Шулай ук "Тамчы" ансамбле вокал номинациясендә дипломант исеме алды.

Тирә-юньне чистарту максатыннан укучылар мәктәпкүләм өмәләрдә катнаштылар. Мәктәп территориясе чистарды, тәҗрибә участогында да язгы эшләр башланды.

Г.Тукайның тууына 126 ел тулу уңаеннан бу атнада мәктәптә шагыйрьнең тормыш юлы, иҗатына бәйле видеофрагментлар карау оештырылды. "Китап укучылар" атналыгы кысаларында башлангыч сыйныфлар белән әдәби кичә, урта сыйныфларда "Без Тукайны яратабыз" исемеле викторина, югары сыйныфларда "Безнең уен" дигән ярыш-бәйге үткәрелде. 

23-28 апрель көннәрендә "Балалар китабы" атналыгы үткәрелде. 23 апрельдә башлангыч сыйныф укучылары арасында "Иң күп китап укучы" бенефисы уздырылды. Китапханәдә "Иң игътибарлы китап укучы" билгеләнде. Аңа 3 нче сыйныфтан Төхфәтуллин Раил, 4 нче сыйныфтан Газизова Зөхрә лаек булдылар. 25 апрельдә узган "Безнең яраткан язучыларыбыз" дигән ток-шоуда балалар язучылары һәм шагыйрьләре, аларның иҗатлары турында сөйләнелде. Укучылар аларның әсәрләрен башкардылар. 26 апрель көнне "Г.Тукай әкиятләрен беләбезме?" (викторина) Г.Тукай шигырьләрен сәнгатьле сөйләүчеләр конкурсы булды.