4нче сыйныф укучыларының чыгарылыш бәйрәменә барлык әти-әниләр килде, алар укучыларны  мәктәпнең беренче башлангыч баскычын уңышлы узулары белән котладылар . Укытучы Бурганова Римма һәм укучылар әзерләгән  бәйрәм программасы  күңелле һәм файдалы үтте,матур чыгышлар,кызыклы истәлекләр,концерт номерлары белән үрелеп барды. 

Республика рәсем конкурсына  Бердәм Россиянең Әтнә җирле бүлекчәсе тәкъдим иткән рәсем ияләре 4нче сыйныф укучылары Мәүлиева Азалия һәм Фәйзиева Әдилә    I  һәм II нче дәрәҗә дипломнарга лаек булдылар.Котлыйбыз!

Соңгы кыңгырау бәйрәме бездә,

Мәктәпләрдә күркәм тантана!

Укучыларны котларга диеп әти-әниләр,кунаклар килде. Алар арасында Әтнә районы советыннан Галәветдинова Гөлнара Реваль кызы,Тукай хуҗалыгы җитәкчесе Хәкимов Илфат Рәфкать улы да бар иде. Укучыларга хәер фатыйха, изге теләкләр, кайнар котлаулар  әйтелде.

ГТО нормаларын тапшыру

Мәктәп яны  тәҗрибә участогында язгы эшләр дәвам итә,   ай дәвамында һәр укучы һәм укытучы  үз хезмәтен кертеп яшелчә культуралары утыртылды, барлык  башкарылган хезмәтнең нәтиҗәсе мул уңыш булсын. 

8 май көнне Бөек Җиңүнең 70 еллык уңаеннан авылыбыз уртасында урнашкан Бөек Ватан сугышында һәлак булганнар өчен куелган һәйкәлгә тантаналы рәвештә венок куелды. Шулай ук сугыш ветераннары белән истәлекле очрашу булды. Мәктәбебез укучылары эчтәлекле чыгыш ясадылар, бер минутлык тынлык белән көрәштә һәлак булганнар искә алынды. Ветераннар тыныч тормышның кадерен белеп, тәрбияле, кешелекле булып үсәргә, әти-әнине хөрмәт итәргә, дигән теләкләрен теләделәр.

Күәм урта мәктәбендә Бөек Җиңүнең 70 еллык уңаеннан зур бәйрәм тантанасы булып үтте.Бәйрәмгә Күәм авыл советы җирлегенә кергән Күәм, Дусым,Әйшияз Каенсар авылларыннан сугыш һәм тыл ветераннары белән бергә сугыш чоры балалары да чакырылды. Очрашу табын янында җанлы әңгәмә, концерт программасы, котлаулар белән бергә үрелеп дәвам итте. (Фотода сугыш ветераннарыбыз Мозаффаров Рәхимҗан, Багаутдинов Гапделхай бабайлар)