Күәм урта мәктәбе укучылары командасы тәрбия эшләре буенча директор урынбасары Гиззатова Айсылу Рафизовна җитәкчелегендә ТНВ каналында күрсәтелә торган "Тамчы шоу" тапшыруында төшеп кайттылар. Анда 7 нче сыйныфтан Мортазина Назгөл, 8 нче сыйныфтан Газизова Зөһрә һәм Хәкимҗанова Альбина чыгыш ясадылар. Әлеге ярышта укучыларыбыз Чүпрәле районы Иске Шәйморза урта мәктәбе командасы белән көч сынашып, беренче урынны яуладылар. 

1 нче октябрь - халыкара өлкәннәр көне. Шул уңайдан 7 октябрь көнне 3 сыйныф укучылары үзләренең әби-бабаларына рәхмәт йөзеннән бәйрәм оештырдылар. 

Бүген безнең мәктәбебездә икеләтә бәйрәм - укытучылар көне һәм Нурания Идресовнаның олугъ юбилее.

Нурания Идресовна, сезне укучылар һәм укытучылар коллективы чын күңелдән бәйрәмегез белән тәбрик итә. Сезгә тазалык, саулык, гаиләгездә тынычлык, балаларыгызның игелеген, оныкларыгызның якты киләчәген күреп, тормыш иптәшегез белән тигезлектә яшәргә насыйп булсын! Авыр, ләкин мактаулы хезмәтегездә уңышлар юлдаш булсын! Сез безнең өчен үрнәк мөгаллимә һәм хезмәттәшче.

Гомерләрне айлар, еллар саны

Саный аны сәгать, минутлар.

Гомердән дә озын нәрсәләр бар?

Гомердән дә кыска ниләр бар?

Шул гомернең кадерләрен белеп,

Яшәргә дә иде яшәргә!

Гомер бер ул,

Икәү түгел гомер-

Яшеннәрдәй кирәк яшьнәргә.

В рамках всероссийской акции "Урок ОБЖ" в Кубянской СОШ прошла встреча с сотрудником МЧС России по Атнинскому району Гиндуллином Ильнуром Ильсуровичем. Мероприятие началось с эвакуации школы, которая по словам Ильнура Ильсуровича прошла довольно оперативно. Затем сотрудник МЧС рассказал ученикам и преподавателям о действиях в случае пожара и других бедсвтиях, показал противопожарные оборудования и механизм их действия. В конце ученики узнали ответы на интересующие их вопросы.

1 нче октябрь - Өлкәннәр көне уңаеннан Күәм урта мәктәбендә ветеран укытучыларга багышланган укучылар катнашында бәйрәм булып узды. Шулай ук профсоюз оешмасыннан аларга бүләкләр таратылды.

29 нчы сентябрь көнне Күәм урта мәктәбендә "Финанс грамоталык көне" уңаеннан пенсия фонды хезмәткәре  Хәкимов Рафис Денис улы "Хәзерге заманда пенсия түләү ысуллары" турында чыгыш ясады.  Анда 9 - 11 сыйныф укучылары катнашты. Рафис Денисович пенсия түләү тарихы, аның ысуллары һәм пенсия яше турында сөйләп узды.

Татарстан Республикасы мәктәпләрендә ГТО нормативарының көзге өлеше башланып китте. Шул исәптән, 28 нче октябрь көнне физкультура укытучысы Зарипов Булат Абдуллович 5 - 11 сыйныф укучылары арасында көзге кросс оештырды.

26 нчы сентябрь көнне мәктәп яны территориясендә укучылар агач утырттылар. Өмәдә барлык сыйныф укучылары да катнашты. Утырткан агачлар матур итеп яшьнәп китеп, мәктәбебезгә тагы да ямь өстәрләр!

Бүген Әтнә башлангыч мәктәбенең актлар залында "Ялкын" журналы хезмәткәрләре белән очрашу булып узды. Анда Күәм мәктәбеннән тәрбия эшләре буенча директор урынбасары Гиззатова Айсылу Рафиз кызы һәм татар теле укытучысы Сөнгәтова Гөлнара Зөлкәр кызы катнашты. Очрашуда  журналның яңа форматы, эчтәлеге турында сөйләделәр һәм Әтнә районы укучылары иҗаты белән  таныштырдылар.