Бөек Җиңүнең 75 еллыгын каршылап, укучыларыбыз  мәктәпкүләмендә "Солдатка хат" дигән акциядә катнашып, хәрби частьларга  9 май белән котлап  сәлам хатлары яздылар, хәрби темага рәсемнәр ясадылар. Бу хатлар тиешле хәрби частьларга җибәрелде.

27 нче апрель  көнне мәктәпкүләмендә язгы өмә үтте. Тирә - юньне чистарту, яшелләндерү  максатыннан укучылар чистарту эшләре алып бардылар һәм мәктәп территориясендә агачлар утырттылар. Табигатьне саклау -  безнең бурыч икәнен һәр укучы аңлап, тырышып эшләде

Бу көнне  3 нче һәм 4,6, 7,8  нче сыйныф укучылары проект яклауда нәтиҗәле эш алып бардылар. Монда әти -әниләр дә чакырылды. Бу чара бик эшлекле һәм җанлы үтте. 

26 нчы апрель -  Г.Тукайның туган көнендә  мәктәптә бик зур чара булып үтте. Укучылар Тукайның шигырьләрен яттан сөйләделәр, аның тормыш юлын, иҗатын тагын бер тапкыр искә төшерделәр. Милләтебезнең горурлыгы булган Г.Тукай туган көнне укучыларыбыз ел буе алып барган эзләнү эшләрен тәкъдим иттеләр. Бу проект  "Якташ язучылар" дип аталды. Һәр сыйныф үзенә бүлеп бирелгән  әдипнең иҗатын, тормыш юлын өйрәнеп, проектларын якладылар. Бу чарада сәнгатьле итеп шигырьләр сөйләнде,  шагыйрьләрнең шигырьләренә язылган җырлар җырланды. Буклетлар, китапнамәләр, буктрейлерлар күрсәтелде. Кичә "Туган тел" гимны белән тәмамланды.

Укучыларыбыз районкүләмендә узган Яшьләр форумында катнаштылар. Үзләре сайлаган юнәлеш буенча мастер - класс карадылар, үз фикерләре белән уртаклаштылар. Соңыннан форумга нәтиҗә  ясадылар.

Мәктәбебездә укучыларның проект эшчәнлегенә йомгак ясау, аны яклау эше башланып китте. Бүген 1, 2 нче сыйныф укучылары ел буе алып барган проект эшләрен якладылар. Төрле темалар  тәкъдим ителде. Барлык укучылар да үз дәрәҗәсендә эшчәнлекне оештырган, мәгълүмат бик күп тупланган. Кечкенә булуга карамастан, проектны яклау методикасын өйрәнгәннәр. Проект яклауда укучыларның әти - әниләре дә катнашты.

25 нче апрель көнне районда Бөтенроссия татар балалар фестивале узды. Мәктәбебездән  "Әтием - горурлыгым" дип исемләнгән кыска метражлы видеофильм 2 нче турга үтеп, уңыш яулады. 5 нче сыйныф укучысы Садриева Зөхрә (җит.Садриева А.Г.) уңышлы чыгыш ясап, Бөтендөнья татар конгрессы тарафыннан әзерләнгән махсус бүләккә ия булды. Котлыйбыз, Зөхрә, Айваз, Ильярны!

7 нче сыйныф укучылары, рус теле һәм әдәбияты укытучысы Батршина Сания Фаритовна белән берлектә, Күлле Киме авылында урнашкан Сибгат Хәким музеенда экскурсиядә булдылар. Бу сәяхәт аларга проект эшчәнлегендә бик файдалы булды, бик күп мәгълүмат тупларга ярдәм итте.

Укучыларыбыз районкүләмендә үткәрелгән "Куркынычсыз тәгәрмәч " бәйгесендә катнашып, уңышлы чыгыш ясадылар. Бүләккә  өр яңа велосипедка ия булдылар. Укучыларның җитәкчеләре Борханова Римма Нурмөхәммәт кызы һәм  физкультура укытучысы Зарипов Булат Абдул улы да укучыларның уңышларына чиксез шат булып, алда да зур үрләр яуласыннар иде дигән фикердә калдылар. Укучыларыбызны чын күңелдән котлыйбыз, алда  зур уңышлар телибез!

2 нче сыйныф укучылары  , Борханов Фәрит Фоат улы белән берлектә, инглиз теле фәненнән ачык дәрес күрсәттеләр. Кечкенә генә булсалар да инглиз телендә ачык сөйләштеләр, сорауларга бик матур итеп җавап бирделәр. Дәрес буе укытучылары аларга елмаю бүләк итте. Бу көндәге  табигатьтәге матурлык кебек, дәрестәдә матурлык хөкем сөрде. Укучылар Бөекбританиядә һава торышының нинди булуын кызыксынып карадылар, үзебездәге һава торышы белән чагыштырдылар. Дәрес ахырында үзләренә билге куйдылар.