Мәктәбебездән Хәкимовлар гаиләсе “Без тарихта эзлебез” Республикакүләм конкурсының район этабында катнашып, икенче урынга лаек булдылар. Аларны чын күңелдән котлыйбыз, зур уңышлар, нык сәламәтлек телибез.

Мәктәптә  хәрби-патриотик айлык кысаларында күп төрле чаралар уздырыла. Егетләребез төрле номинация конкурсларында көч сынашты.

23 февраль - Ватанны саклаучылар көне бәйрәме белән котлап, укучыларыбыз  кадерле кешеләренә бәйрәм открыткалары да ясап бүләк иттеләр.

Һәркем өчен дөньядагы барлык телләр арасында иң кадерлесе - ана теле.Бу - безнең балачагыбыз, гаиләбез, җәмгыятьтәге беренче тапкыр аралашуыбыз теле. 21 февраль – Халыкара Туган тел көне.Халыкара туган тел көнендә барлык телләр дә тигез дип таныла, чөнки аларның һәркайсы кеше язмышы өчен җавап бирә, һәркайсы табигый мирас булып тора һәм без аны, һичшиксез, сакларга тиешбез.Татар телен һәм әдәбиятын үзләштерүгә кызыксыну уяту, туган телне, милли йолаларны саклау, туган якка мәхәббәт, табигатьне ярату, шәфкатьлелек сыйфатлары, эстетик зәвык тәрбияләү максатыннан “Җырларымда рәхмәт әйтәм, туган телем, мин сиңа!” дигән темага әдәби-музыкаль чара үткәрелде. Ана телебезгә булган мөнәсәбәтебезне, олы ихтирам хисебезне җыр-биюләр, шигырьләр аша белдердек. Мәктәп коллективының активлыгы,  туган телләренә карата җылы карашта  булулары бу  чараны үткәрүгә зур ярдәм итте

МБГБУ "Ташкичү төп гомуми белем мәктәбе" Арча муниципаль районы  Мәмсә  башлангыч мәктәбендә Халыкара туган көн  багышланган "Туган телем - татар теле" дигән темага кичә үткәрелде. Укучылар презентация карадылар, язучыларыбызның туган телгә багышланган фикерләрен укыдылар, туган телгә багышланган шигырьләр укыдылар. Кичә "Туган тел" җырын башкару белән тәмамланды.

Хәрби - патриотик айлык кысаларында  мәктәп укучылары арасында  баскетбол ярышы уздырылды. Һәр ике команда  да бик оста һәм матур уен күрсәттеләр.

Ватанны саклаучылар көненә багышланган айлык кысаларында 1-4 класс укучылары арасында “Күңелле стартлар” ярышы  уздырылды.

1989 елның 15 феврале илебез тарихына мәңгелеккә кереп калды. Бу көнне совет гаскәрләренең соңгы сугышчылары Әфганстан җиреннән чыгарылды. Бу әфганчы ир-егетләребезне хөрмәтләү, чит җирләрдә башларын салган якташларыбызны искә алу, аларның якыннарының хәлен белү көне булып тарихка кереп калды. Әфган бәрелешләрендә газиз улларын югалтып, күпме аналар канлы күз яшьләре түктеләр. Әфганстаннан совет гаскәрләрен чыгаруга 34 ел тулу уңаеннан мәктәптә әфганчы егетләр белән очрашу уздырылды.Алар үзләренең солдат хезмәте турында сөйләделәр. Әфганчы егетләребезгә укучыларның да сораулары күп булды.Безнең мәктәп укучылары : яшьармиячеләр, Җиңү волонтерлары,укучылар әфганчы якташларын бәйрәм белән котладылар. Сугыш хәрәкәте ветераннарына, сугышчы интернационалистларга, Ватанны саклаучыларга батырлыклары өчен рәхмәт. Сезгә чын куңелдән сәламәтлек, иминлек, тынычлык һәм тыныч тормыш телибез!

 Тарих һәм җәмгыять белеме фәне укытучысы Хакимзянова Р.Р. “Кануннар кайда чыга? дигән темага 1-4 класс укучылары белән  Парламент дәресе үткәрде. Укучыларга аңлаешлы рәвештә әлеге төшенчәләргә бәяләмә бирелде. Гражданин буларак укучылар төрле ситуацияләрдә үзләрен ничек тотарга кирәклеге турында мәгьлумат алдылар.

В школе прошел конкурс рисунков о дружбе народов России «В дружбе народов — единство России». Основными задачами конкурса являются воспитание уважительного отношения к культуре и религии разных национальностей, чувства единства и исторической взаимосвязи между разными национальностями, проживающими на территории нашей страны, вовлечение подростков и молодежи в активную социальную деятельность.