19 ноябрь көнне педагог-организатор Солтанова И.А. башлангыч класс укучылары белән "Бүген бездә биш дәрес" исемле кичә үткәрде. Укучылар үзләренең зирәк, тапкыр, шаян икәнлекләрен күрсәттеләр.

13 нче ноябрь көнне мәктәптә ата-аналар җыелышы үтте. 9 нчы класс җыелышында  укучыларның укуы, тәртибе, класстан тыш эшләрдә активлыгы мәсьәләләренә басым ясалды.

24 октябрь көнне мәктәптә 1-6 нчы класслар өчен Сөмбелә бәйрәме, 7-9 нчы класслар өчен "Көзге уңыш" бәйрәме  булып узды. Бәйрәмгә укучылар газеталар чыгардылар, көзге муллыктан композицияләр әзерләделәр, җыр-биюгә осталыкларын күрсәттеләр. Афәрин, укучылар!

1998-1999 нчы елгы егетләр арасында район беренчелегенә узган волейбол ярышында мәктәп командасы БЕРЕНЧЕ урынга лаек булды. Афәрин, егетләр!

Юл  билгеләре  безгә  бик  күп  нәрсә  турында  сөйли.  Кирәк  чакта  боералар,  кирәк  чакта  кисәтәләр. Аларның һәрберсе һәлакәтләр  булмасын өчен куелган.   Шуңа  күрә  һәрбер  кеше:  әти-әниме,  абый-энеме,  укытучымы,  директормы,  әллә  президентмы  -   юлларда  бик  сак  булырга, юл  йөрү  кагыйдәләрен  үтәргә  тиеш. 5-7 нче класс укучылары катнашында узган "Юлдан  чыгарга ярдәм итик!" исемле кичәдә укучылар юл йөрү кагыйдәләре буенча бик күп файдалы мәгълүматлар алдылар.

 Волейбол буенча районда узган 1998-1999 елгы  кызлар командалары арасындагы ярышта  мәктәбебез кызлары 3 урынны яулады. Афәрин, кызлар!

10 октябрь көнне мәктәптә районнан килгән белгечләр катнашында түгәрәк өстәл узды. Укучылар белән очрашуга Арча районы эчке эшләр бүлегенең   балигъ булмаган яшүсмерләр белән  эшләү буенча өлкән инспекторы А.А.Хидиятуллина, балигъ булмаганнар белән эшләү комиссиясенең секретаре А.Ф.Бакирова, мәшгульлек үзәгенең психологы И.Р.Нурмиева килгән иде. Белгечләр укучыларга тәмәкенең, сыраның зарары турында видеофильмнар күрсәттеләр, законнарны аңлаттылар, укучыларны кызыксындырган сорауларга җаваплар бирделәр. Очрашу һәркем өчен файдалы булды.

10 октябрь көнне үткәрелгән Түгәрәк өстәлдә Арча районы мәшгульлек үзәге психологы Инна Рәисовна Нурмиева катнашты. Ул 9 нчы сыйныф укучылары белән һөнәри юнәлеш буенча тест уздырды. Әлеге тест ярдәмендә укучылар киләчәктә һөнәр сайлаганда нинди юнәлешне күздә тотарга кирәклеген бик тиз ачыклый алдылар.   

Мәктәп күләмендә узган линейкада Бөтенроссия "Альбус" конкурсының язгы сессиясендә  актив катнашкан 22 укучыга Дипломнар , истәлекле бүләкләр һәм сертификатлар тапшырылды.

7 октябрь көнне укучылар Арча шәһәренең картлар йортына өлкәннәрне бәйрәм белән котларга бардылар. 5-7 класс укучылары аларга яраткан шигырьләрен, җырларын бүләк иттеләр.