1нче сыйныфта «Язгы бозда сак бул!»  темасына сыйныф сәгате үтте.

--

6нчы сыйныф укучылары белән «Сәламәтлек — зур байлык» исеме астында әңгәмә булып узды. Укучылар белән организмга зыянлы һәм файдалы ризыклар турында, телефон, телевизорның зыяны турында сөйләшенде. Сәламәтлек турында мәкальләр искә төшерелде.

Һәр милләт үз җирлегендә барлыкка килгән һәм буыннан-буынга күчә торган гореф-гадәтләрен, кешеләрнең яшәү рәвешләрен, үз-үзләрен тоту кагыйдәләрен, карашларын, зәвыкларын сакларга омтылган. Тормыш–көнкүрештә билгеле бер йолалар үтәү, гореф-гадәтләрне тоту һәм бәйрәмнәр үткәрү барлык милләтләргә дә хас. Ул әлеге милләт мәдәниятенең мөһим бер өлеше булып исәпләнә. Гореф-гадәтләр борын-борыннан халык тарафыннан үтәлеп килә торган бәйрәмнәрне, йолаларны үз эченә ала. 9 нчы сыйныф укучылары милли гореф-гадәтләр белән таныштырдылар, чыгышларны бик кызыксынып тыңладылар. 
 

Кояш җиребезгә җылысын да, яктысын да бик юмарт бирә. Кар күзгә күренеп кими. Укучыларыбыз өй тирәләрендә шушы процессны тизләтү өчен тырышалар.

29 марта ученица 6 класса Гайнуллина Зулейха посетила сельскую библиотеку.

Бүген 27 март - Халыкара театр көне. Әлеге бәйрәмнең девизы - "Театр - халыклар арасында аңлашу һәм тынычлык урнаштыру чарасы". Театр халкыбызның рухын ныгыта, теленә, гореф - гадәтенә мәхәббәт уята. Төрле халыклар арасында дуслыкны арттыра, берләштерә. 

Театр җәмгыять һәм мәдәният үсеше белән бик тыгыз бәйләнгән.  Театр сәнгате аша, дөньяга караш, әхлакый принциплар, рухи байлык формалаша, эстетик зәвык тәрбияләнә. 20 нче  март   көнне 6  нчы сыйныфта “Театр − яктылыкка, нурга илтә.“ дигән тема буенча тәрбия сәгате үтте. Әлеге тәрбия дәресе  2021 ел – туган телләр һәм халыклар бердәмлеге елы уңаеннан оештырылды. Дәрестә укучылар Татарстанның театр сәнгате үсеше, Татарстан Республикасы театрлары, татар театры тарихы, аның күренекле эшлеклеләре турында материаллар белән таныштылар. 

Язгы каникул чорын укучыларыбыз ял итү белән беррәттән файдалы эшләр дә башкарып уздыралар. 6нчы сыйныф укучысы Закирҗанов Кәрим Мөнирә апага капка төбендәге карларны чистартып юлларны киңәйтергә булышты. 

9 нчы сыйныф кызлары язгы каникулларны әти-әниләренә ярдәм итеп үткәрәләр

Татар язуының тарихы милләтнең үзенең гыйбрәтле язмышына тиң. Күп гасырлык язу мирасында аянычлы сәхифәләр шактый күп. “Татар мәдәниятенең иң катлаулы һәм иң бәхәсле өлкәсе – ул язу тарихы, хәреф алыштыру һәм имля төзәтү тарихы”, – ди белгечләребез. Татарга соңгы йөз елда гына да берничә мәртәбә алфавитын алыштырырга туры килгән. Төрки-татарларның язу тарихында биш төрле алфавит мәгълүм: рун билгеләре, уйгур язуы, гарәп имлясы, латин хәрефләре һәм кириллица (хәзерге рус алфавиты)

4 сыйныфта үткән “Язу тарихыбыз – изге мирасыбыз” исемле чара барышында  укучылар халкыбызның язу сәхифәләре хакында презентация карадылар, виртуаль экскурсиядә булдылар, мәктәп музеенда сакланучы гарәп, латин язулы газеталар, китаплар, төрле эш кәгазьләре, хатлар, документлар белән таныштылар, укырга тырышып карадылар. Ахырдан язу алмаштырулар халыкларны фаҗигаләргә илтүе, яшь буынның гасырлардан килгән борынгы мирастан мәхрүм калуы хакында әңгәмә кордылар.