Бөек Җиңүнең 70 еллыгы уңаеннан рәсем дәресләрендә дә укучылар иҗат итә, әлеге темага рәсемнәр ясый. Алар эшләрен конкурсларга да тәкъдим итәләр.

3 нче март  көнне башлангыч сыйныф укучылары арасында “Күңелле стартлар” үткәрелде. “Кыюлар” һәм “Җитезләр” командалары көч сынашты һәм үзләренең чынлыкта да кыюлар һәм җитезләр икәнлекләрен исбатладылар. Ярыш булгач җиңүче һәм җиңелүче була. “Җитезләр” командасы 12:10 исәбе белән җиңү яулады. Молодцы, укучылар!

Бүген мәктәптә сугыш вакытында һәм сугыш турында иҗат ителгән шигырьләрне сәнгатьле сөйләү буенча 5-9 нчы класс укучылары арасында конкурс уздырылды. Жюри укучылар чыгышын гадел бәяләде һәм түбәндәге нәтиҗәләрне чыгарды: 5-6 нчы класс укучылары арасында 1 урын - Солтанова К.(6 кл.), 2 урын - Гайнетдинова Л.(6 кл.), Хәмзин Р.(5 кл.), 3 урын - Мингазова И. (6 кл.), Бикбаева А. (6 кл.). 7-9 нчы класслар арасында: 1 урын - Мингазова З. (7 кл.), 2 урын - Садриева А. (7 кл.), Галимуллина И.(8 кл.), 3 урын - Шакиров Ә. (7 кл.). Җиңүчеләрне котлыйбыз!

1 нче март көнне мәктәбебез Урта Курса авыл җирлеге белән берлектә Казан шәһәрендә уздырылган ярминкәдә катнашты. 

Бөек Җиңүнең 70 еллыгы уңаеннан һәр класс  "Әбием (бабам) сугыш чоры баласы", "Әбием - тыл ветераны" һ.б. темаларга истәлекләр туплады, альбомнар төзеде. Шушы материаллар белән укучылар класс сәгатьләрендә тирәннән танышалар, сугышның ачы фаҗигасе турында фикер алышалар. Бүген шундый әңгәмә 4 нче класста (класс җитәкчесе - Мингазова Ч.М.) үткәрелде.

Кошлар өчен авыр чор үтеп бара. Ләкин мәктәп янындагы агачларга эленгән җимлекләргә укучылар җимнәр салып торалар, кошларны тукландыралар.

Татар телен саклау - изге бурыч. Тел - белем һәм тәҗрибә туплау, халыкның төрле казанышларын яңа буынга тапшыру чарасы да. 6-7 нче класс укучылары белән уздырылган "Күңел көзгесе" интеллектуаль уены  туган телнең үзенчәлекләрен аңларга, аның белән горурлану хисләре уятырга ярдәм итте.

        Бөек Ватан сугышы... Бөек Җиңү... Бөек Җиңүгә 70 ел...  Бу вакыйгалар, андагы батырлыклар 70 еллык тарих катламы астында калды. Ләкин әнә шул катламнар астында югалмыйча, кешелек дөньясын юкка чыгудан саклап калган, бүгенге көннәргә кадәр халык күңелендә, ил йөрәгендә онытылмаган каһарманнарыбызның батырлыклары әле исән, дөнья тарихында алтын хәрефләр белән язылган. Шуңа күрә без аларны онытмаска, сафлары сирәгәя барган сугыш ветераннарын, тыл батырларын хөрмәт итәргә, зурларга, батырлыкларын киләчәк буыннарга тапшырырга тиешбез. 

       Бүген, 23 нче февраль көнне Урта Курса авыл җирлеге буенча тыл ветераннарына Бөек Җиңүнең 70 еллыгы уңаеннан медальләр тапшыру тантанасы булды. Тыл хезмәтчәннәрен  "Курса МТС" ы җитәкчесе Гыйләҗетдинов Р.Г., Урта Курса авыл җирлеге башлыгы Вафина Р.Р. котлады. Мәктәп укучылары, авыл үзешчәннәре башкаруында сугыш чоры җырлары, тетрәндергеч шигырьләр яңгырады, биюләр башкарылды.