Мәктәбебездә һәр сишәмбе саен линейка уза. Атналык эшкә һәм тәртипкә анализ ясала. Яңа эшләргә старт бирелә. Уку юнәлеше җитәкчесе Ахметова Алсинә  уку юнәлешенең нәтиҗәләре белән таныштырып үтте.

Татарстан Республикасының Хезмәт, мәшгульлек һәм социаль яклау министрлыгы тарафыннан уздырылган "Киләчәккә билет" исемле сочинениеләр конкурсында безнең мәктәп укучылары да катнашты. Гарипова Гөлинә (8 класс), Шәйхиева Рәзилә (8 класс, җитәчесе Мубаракшина Л.И.) Арчаның Хезмәт, мәшгульлек һәм социаль яклау үзәгенең рәхмәт хатлары белән бүләкләнде. 

Киләчәктә дә уңышлар телибез!

"Үткәне юкның киләчәге юк",- ди халкым. Ә безнең укучыларыбыз үткән тарихны беләләр. Бүгенге якты, матур киләчәгебез өчен Бөек Ватан сугышында һәлак булган авылдашларыбызны онытмыйлар, хөрмәт белән искә алалар. Ел дәвамында һәйкәл янын чистартып торалар. Әлеге тимурчылык эшендә 6 класс укучылары Шәйхиева Зәлинә, Сафина Гөлия, Магсумов Ильмар, Мубаракшин Зөлфәт, педагог-организатор Идиятуллина Р.Т. катнашты.

16 нчы гыйнвар көнне Яңа Кенәр мәктәбендә 2000 нче елгылар һәм аннан да яшьрәкләр арасында татар-башкорт милли көрәш беренчелегенә ярыш узды. Бу ярышта безнең мәктәпнең  укучылары да : Хадиев Айзат һәм Хакимов Азат катнашты. Киләчәктә аларга уңышлар телибез. 

15 январьда "Әхлак тәрбиясе - күңел хәзинәсе"  исеме астында ата- аналар җыелышы үткәрелде. Татар теле һәм әдәбияты укытучысы Сафина А.М. әхлак темасына "Балада кешелеклелек сыйфатлары тәрбияләү"  темасына чыгыш ясады. Анда Арча мәгариф идарәсеннән методист Сафиуллин И. Р. катнашты. Ул ата-аналарны төп дәүләт имтиханын тапшыру тәртибе белән тапшырды. 9класс укучылары да бу уку елында имтиханнарны видеокүзәтү  астында бирәчәкләре турында әйтелде.

5 класс укучылары белән "Варис һөнәрләре иленә сәяхәт" дип аталган отряд сборы узды. Укучылар беренче ярдәм күсәтү, туризм буенча көч сынаштылар, уеннар уйнадылар.Укучылар сборда бик актив катнаштылар һәм канәгать калдылар.