Бүген "Самостоятельные дети" проекты кысаларында һәм актив сәламәт яшәү рәвешен пропагандалау максатыннан, проектта катнашучы укучылар "Сәламәт бул! Бие!" дип аталган  флеш-моб һәм дискотека уздырдылар. Укучылар рәхәтләнеп биеделәр, шул ук вакытта төрле биремнәрне дә үтәделәр. Ахырдан "Самостоятельные дети" проекты турында листовкалар тараттылар.

Без бүген табигатькә экскурсиягә чыктык. Төрле бөҗәкләр, үсемлекләр, агачлар белән таныштык.

Бүген лагерьга йөрүче балалар "Аркадий Паровозов мәктәбе"  уен-конкурсында  катнаштылар. Яшь коткаручылар Саша белән Машаны янгыннан коткардылар, сазлыктан алып чыктылар, төрле кыен хәлләрдән чыгарга ярдәм иттеләр. Конкурста "Мегомозг" командасы җиңү яулады. Катнашучы командаларга "Яшь коткаручы"  сертификаты һәм бүләкләр тапшырылды. Көннең икенче яртысынды табигатькә экскурсиягә чыктылар, яр карлыгачларын күзәттеләр.

Бүген лагерьда дискотека узды. Командалар биюләр барышында төрле биремнәр башкардылар. "Көйне таны" уены уздырылды. Уенда 1 урынны Гарипова Сөмбел, 2 урынны Курбангалиев Ирек һәм Шәйхиева  Айзирә яулады. Актив балалар да призларга лаек булдылар.

"Дуслык" лагеренда тормыш кайнап тора. Балалар режим буенча көнне иртәнге гимнастика һәм линейкадан  башладылар. Саф һавада хәрәкәтле уеннар уйнадылар, табигатькә экскурсиягә чыктылар. "Йолдызлы сәгать" уенында катнаштылар.  Көннең икенче яртысында балалар "Бию" түгәрәгендә шөгыльләнделәр, "Яшь тикшерүчеләр" уенында, маршрут кәгазе буенча, "байлык"  эзләделәр. 

"Дуслык" лагерена йөрүче балалар көннәрен иртәнге зарядкадан, музыкаль уеннардан башлыйлар. Ашханәдә тәмле җылы ризык белән тукланалар. Бер генә минутны да бушка уздырмыйлар. Төрле конкурслар, кичәләр, ярышлар, түгәрәкләр оештырыла. Бүген балалар белән "Джунгли чакыра" уены уздырылды. "Новая волна " командасының ерткычлар командасы җиңү яулады. 

Көннең икенче яртысында "Оста куллар" түгәрәгендә шөгыльләнделәр.

Мәктәп инспекторы Нигъматуллин Н.К. бүген лагерьга йөрүче балалар белән очрашты. Ул балаларга лагерьда үз-үзеңне ничек тотарга кирәклеген искә төшерде, төрле очраклар өчен куркынычсызлык чаралары белән таныштырды.

Бүген  лагерьда  китапханә көне үткәрелде. Балалар авыл китапханәсендә экскурсиядә булдылар. Алар  китапханәдәге  балалар өчен язылган китапларны  укыдылар, балалар язучыларының  биографияләре белән таныштылар. Г. Тукай әкиятләренә күзәтү ясадылар. Китапханәче Хәертдинов  Зөлфия апалары “Табышмак кичәсе” уздырды.

Көннең икенче яртысында “Хуш киләсең, ямьле җәй” дип аталган күңел ачу программасы узды.

Яңгыр булуга карамастан  лагерь тормышы кайнап тора. Балалар лагерьдагы һәр көнне  иртәнге зарядкадан башлыйлар, теләп музыкаль зарядкаларда катнашалар.  Бүген балалар өчен "Гладиаторлар көрәше"  дип аталган уен оештырылды.  Ярышта  "Молния" отряды җиңү яулады.

"Оста куллар" түгәрәгендә бүген  балалар җәйнең эссе көннәренә әзерлек эшләрен башладылар. Алар бөкләү ысулы белән баш киеме ясадылар һәм аны бизәделәр.

Мәктәбебезнең 9 нчы класс укучылары җәмгыять белеме белән информатикадан ОГЭ тапшырдылар. Аларны уңышлары белән котлыйбыз.