Бүген лагерьда дискотека узды. Командалар биюләр барышында төрле биремнәр башкардылар. "Көйне таны" уены уздырылды. Уенда 1 урынны Гарипова Сөмбел, 2 урынны Курбангалиев Ирек һәм Шәйхиева  Айзирә яулады. Актив балалар да призларга лаек булдылар.

"Дуслык" лагеренда тормыш кайнап тора. Балалар режим буенча көнне иртәнге гимнастика һәм линейкадан  башладылар. Саф һавада хәрәкәтле уеннар уйнадылар, табигатькә экскурсиягә чыктылар. "Йолдызлы сәгать" уенында катнаштылар.  Көннең икенче яртысында балалар "Бию" түгәрәгендә шөгыльләнделәр, "Яшь тикшерүчеләр" уенында, маршрут кәгазе буенча, "байлык"  эзләделәр. 

"Дуслык" лагерена йөрүче балалар көннәрен иртәнге зарядкадан, музыкаль уеннардан башлыйлар. Ашханәдә тәмле җылы ризык белән тукланалар. Бер генә минутны да бушка уздырмыйлар. Төрле конкурслар, кичәләр, ярышлар, түгәрәкләр оештырыла. Бүген балалар белән "Джунгли чакыра" уены уздырылды. "Новая волна " командасының ерткычлар командасы җиңү яулады. 

Көннең икенче яртысында "Оста куллар" түгәрәгендә шөгыльләнделәр.

Мәктәп инспекторы Нигъматуллин Н.К. бүген лагерьга йөрүче балалар белән очрашты. Ул балаларга лагерьда үз-үзеңне ничек тотарга кирәклеген искә төшерде, төрле очраклар өчен куркынычсызлык чаралары белән таныштырды.

Бүген  лагерьда  китапханә көне үткәрелде. Балалар авыл китапханәсендә экскурсиядә булдылар. Алар  китапханәдәге  балалар өчен язылган китапларны  укыдылар, балалар язучыларының  биографияләре белән таныштылар. Г. Тукай әкиятләренә күзәтү ясадылар. Китапханәче Хәертдинов  Зөлфия апалары “Табышмак кичәсе” уздырды.

Көннең икенче яртысында “Хуш киләсең, ямьле җәй” дип аталган күңел ачу программасы узды.

Яңгыр булуга карамастан  лагерь тормышы кайнап тора. Балалар лагерьдагы һәр көнне  иртәнге зарядкадан башлыйлар, теләп музыкаль зарядкаларда катнашалар.  Бүген балалар өчен "Гладиаторлар көрәше"  дип аталган уен оештырылды.  Ярышта  "Молния" отряды җиңү яулады.

"Оста куллар" түгәрәгендә бүген  балалар җәйнең эссе көннәренә әзерлек эшләрен башладылар. Алар бөкләү ысулы белән баш киеме ясадылар һәм аны бизәделәр.

Мәктәбебезнең 9 нчы класс укучылары җәмгыять белеме белән информатикадан ОГЭ тапшырдылар. Аларны уңышлары белән котлыйбыз.

Бүген бездә Сабантуй-

Эшләреңнең барын куй!

Тизрәк йөгер мәйданга,

Бәйрәм башлана анда.

Мәктәбебез укучылары Сабантуй уеннарында бик актив булдылар. Алар төрле чараларда үзләренең көчләрен сынадылар. Молодцы!

Лагерьның икенче  көне спорт уеннарына багышланды. Ә көннең икенче яртысынды балалар лагерь ачылуга карата бәйрәм концерты оештырдылар. Барлык укучылар да концертта теләп катнаштылар, бергәләп лагерь җырлары җырладылар.

1 нче июнь - Халыкара балаларны яклау көнендә, Арча шәһәрендә Җиңү паркында "Укучының мәдәни көндәлеге" проекты кысаларында үткәрелгән конкурска нәтиҗә ясалды. Ул конкурста безнең мәктәпнең дә 1 - в классы укучысы Гайфуллина Гөлсем, "Иң яхшы мәдәни көндәлек" номинациясендә катнашып, 2 нче урынны алды, Диплом һәм истәлекле бүләк белән бүләкләнде. Гөлсемне һәм аның әнисе - мәктәбебезнең математика һәм физика укытучысы Гайфуллина Ризиданы бу зур җиңүләре белән чын күңелдән котлыйбыз. Аларга нык сәламәтлек, зур уңышлар телибез.