“Сәләт” 3 нче мәктәп – балалар бакчасында мәктәпкәчә әзерлек төркемендә, нәниләр төркеме белән берлектә, кошларны саклауга багышланган чара уздырылды. Чараның төп кунагы Татарстан Республикасының экология һәм табигать ресурслары министрлыгы Төньяк территориаль җитәкчелеге белгече Латыш Фирдәүсә Камил кызы булды.Балалар кошлар булып та киенделәр, Саша исемле малайга кошларга зыян салырга ярамаганлыгын да аңлаттылар. Чара кошлар турында җыр-бию, табышмаклар һәм мәкальләр әйтешү белән үрелеп барды. Кошлар яшәешен күрсәткән уеннар да уйналды.Балалар “Яшь орнитолог”лар сафын тулыландырып, кошларны сакларбыз һәм якларбыз дип вәгъдәләр бирделәр. Кунагыбыз Фирдәүсә Камил кызы алып килгән бүләкләргә рәхмәт әйтеп, чарадан таралдылар.

Бүген мәктәбебездә "Без - Тукайлы халык" исемле Габдулла Тукай иҗади мирасын өйрәнүгә багышланган V Республикакүләм Габдулла Тукай укулары булып узды.

Белгечләр профилактик прививкаларның төрле йогышлы авырулардан төп саклану чарасы булуын искертә. Безнең мәктәптә дә буген укучылар белән «Прививкалар турында сөйләшик» дигән әңгәмә булып узды. Бу әңгәмәнең  максаты: укучыларга прививкалар ясатуның әһәмияте, иммунизациянең өстенлекләре хакында аңлату. “Әмма соңгы елларда алардан баш тарту очраклары да ешайган. Моның сәламәтлек өчен куркыныч тудыруын онытмаска кирәк,-“ дип аңлатты мәктәпнең шәфкать туташы. Сакланганны гына саклармын, дигән хак тәгала дә. 

12 апрель - Космонавтика көне. Нәкъ 55 ел элек Юрий Гагарин, галәмгә очып, бөтен дөньяга таныла. Безнең мәктәбебездә дә  бу көн уңаеннан "Кеше галәмдә" дигән кичә үткәрелде, космос  һәм космонавтлар  турында кинолар күрсәтелде. Мәктәп волонтерлары стенд әзерләделәр.

Мәктәбебездә күренекле татар шагыйре Габдулла Тукайның 130 еллыгына багышланган шагыйрьнең әкиятләре һәм шигырьләре буенча рәсем һәм кул эшләнмәләре күргәзмәсе оештырылды. Балалар бик теләп катнаштылар.

Бу көннәрдә   мәктәптә 1 сыйныфлар өчен зур бәйрәм - Әлифба бәйрәме үтте. Бәйрәмне 1 сыйныф җитәкчеләре оештырды. 1 класс укучылары бу бәйрәмгә бик тырышып әзерләнделәр. Шигырьләрен, җырларны ятладылар. Көн саен бәйрәмгә әзерлек чорында аларның җыр кабатлаулары ишетелде.Һәм ниһаять, ул көн җитте. Менә алар барысыда ак алъяпкычлардан, бантиклардан, костюмнардан басып торалар. Аларга карап тору –үзе бер шатлык!Бәйрәмгә әти-әниләр килде. Алар алдында бер дә каушамыйча шигырьләрен сөйләделәр.Соңыннан бәйрәм әти-әниләр һәм укучылар белән чәй табына артында дәвам итте.

Буген, безнең мәктәптә,  башлангыч сыйныф  укытучылары  өчен "Федераль дәүләт белем бирү стандартлары шартларында укытучыларның шәхси һәм һөнәри үсешен камилләштерү"  темасына багышланган семинар булып узды. 

Бүген мәктәбебездә "Фәнгә беренче адым" исемле фәнни - тикшеренү конференциясе  узды. 

Кешене яхшылык эшләргә иртәрәк, балачактан үк өйрәтергә кирәк. Без мәктәпнең укучыларның кем буласын белмибез, ләкин ышанып әйтә алабыз, алар һәрвакыт яхшылык  эшләрләр. Чөнки мәктәптә тимурчылык эшендә катнашып үсәләр. 5 нче б сыйныф укучылары сыйныф җитәкчесе, мәктәп директоры Фатыхова Л.Р. белән педагог - пенсионер Рахматуллина Г.Г га тимурчылык ярдәме күрсәтергә бардылар.