5 нче май көнендә Арчаның 3 нче номерлы мәктәбендә татар теле һәм әдәбияты укытучысы җитәкчелегендә ,1а һәм 6 а сыйныф укучылары ярдәме белән берлектә, "Әкияттә кунакта" дип исемләнгән кичә булып узды.Биредә якташыбыз, күренекле язучы Г. Тукай иҗатындагы әкият геройларын укучылар күзлегеннән, яңача күзаллап, Шүрәле кызы, Су анасы, Сарык белән Кәҗә, Акбай белән Гали һәм башка геройлар тамаша күрсәттеләр.

Бүген Арча шәһәренең үзәк стадионында район күләмендә мәктәпкәчә белем бирү учрежденияләрендә тәрбияләнүче балалар өчен ГТО нормалары тапшыру чарасы оештырылды.Анда безнең балалар бакчасында тәрбияләнүче балаларыбыз да катнашты һәм призлы урыннар яуладылар.Котлыйбыз!

29 апрель көнне кояшлы көннең иртәсе һәркемне гимназиянең юл хәрәкәте иминлеген өйрәнү мәйданчыгына дәште. Бүген биредә ЮХИДИ хезмәткәрләре белән берлектә район күләмендә "Безопасное колесо - 2017" бәйгесе уздырылды. Бәйрәмне ЮХИДИ җитәкчесе, полиция майоры Хузин Ришат Раилович ачып җибәрде. Әлеге чарада юл хәрәкәте иминлегенең өлкән дәүләт инспекторлары, өлкән лейтенант Сабиров Альберт Хәйдәрович, Хәкимов Рөстәм Рәфкатович, район мәгариф бүлеге методисты Шакирова М.Н. катнашты.Безнең мәктәп  укучылары актив катнашып район буенча 3 нче урынга лаек булды, җитәкчесе Низамиева А.Т. Афәрин!  Котлыйбыз!

29 нчы апрель агач утырту көне дип игълан ителде. Шушы көн кысаларында мәктәп коллективы актив рәвештә мәктәп территориясенә агач утыртты.

Бүген 4 а сыйныф укучыларын Татарстан варислар берлегенә кергән  варислар оешмасына кабул итү тантанасы уздырылды. Укучылар оешмага әгъза булып кергәнче иптәшләре, укытучылар алдында ТВБ законнарын төгәл үтәргә, тырышып укырга, эшләргә, өлкәннәрне хөрмәт итәргә тантаналы төстә ант иттеләр.

Язгы өмә дәвам итә. Бүген укучылар һәм  укытучылар коллективы безнең мәктәпкә караган Ежков, 1 май  урамнарын, мәктәп территориясен һәм Җиңү паркын җыештырдылар.

Филология атналыгы дәвам итә. Атналык кысаларында инглиз теле укытучылары Тихомирова Г.А., Давлетшина Г.Р. 5 сыйныф укучылары белән берлектә "How to keep fit" дип исемләнгән ачык чара күрсәтте.Чара тулысынча инглиз телендә уздырылды. Дәрес ныклы әзерлек белән оештырылган. Укучылар бик теләп, актив катнаштылар. 

Балалар яклау айлыгы уңаеннан бүген мәктәптә эвакуация уздырылды.