Безнең Миньон  бик матур килеп чыкты.

Болыннар буйлатып,

Кыш бабай,суык бабай!

Мәктәп алдында безне Кыш бабай һәм Кар Кызы каршы ала.

18 декабрь көнне Әзәк башлангыч мәктәбендә "Серле сандык" фольклор кичәсе булды. Мәктәптә кечкенә генә музей бар .  Укучылар  музейга дип, авыл халкыннан кулланылышта булмаган, борынгы әйберләр җыйдылар. Ул әйберләрнең  ни өчен кулланылганлыгы, нигә кирәк булганлыгы турында укучылар  һәм укытучы сөйләп , әти-әниләргә тәкъдир иттеләр. 

Бүген югары класс укучылары Арча яшүсмерләр белән эшләү комиссиясе җаваплы сәркатибе Завялова Л.Н. һәм әлеге комиссиянең инспекторы Гарипова Й.Р.  белән очрашуда катнаштылар. Завялова Л.Н. һәм Гарипова Й.Р. егетләр һәм кызлар белән аерым сөйләшүләр алып бардылар, комиссиянең эш тәртибе һәм укучыларга куелган таләпләр белән таныштырдылар, укучыларны кызыксындырган сорауларга җавап бирделәр. Мондый очрашулар  бик файдалы һәм кирәкле. 

5-9 класс укучылары Арча Мәшгүльлек үзәге уздырган "Киләчәккә билет" район сочинениеләр конкурсында актив катнаштылар. 8 класстан Ахмәтҗнов Алмаз, Фазлиева Илүзә, 9 класстан Хөсәинов Илнар, Зарипов Рәмис диплом белән бүләкләнделәр. Молодцы, укучылар!

Төп Дәүләт Имтиханына  әзерлек  кече  класслардан ук системалы рәвештә алып   барыла.  7 нче класстан ук укучылар А, В тибындагы агымдагы тестларны да махсус бланкларга эшләп өйрәнәләр.

Яңа ел алдыннан мәктәп алдын матур -матур кар сыннары белән бизи башладык.

Бүген гадәти булмаган информатика дәресе узды. Укучылар өчен "Код сәгате" иде ул. 8 класс укучылары үзләрен компьютер каршында программист ролендә тоттылар. Ә бит программа төзү өчен ул кадәр күп тә кирәкми икән! Әз генә тырышу, әз генә, уйлану, әз генә эзләнү һәм тагын әз генә әлллә нәрсәләр. .. Әмма 8 класс укучыларына әлеге дәрес ошады. Алар үзләренең эшләреннән канәгать калдылар дип әйтәсе килә. Яшь буын ИТ - сфера белән танышты, киләчәктә ИТ-технологияләрнең тагын да көчлерәк үсүе өчен үзләренә эшләргә кирәклеген тойдылар.

Мәктәбебездә укучылар арасында сәламәт яшәү рәвешен пропагандалау, яшүсмерләр арасында төрле авыруларны кисәтү максатыннан тәрбия сәгатьләре, төрле чаралар үткәрелә. Бүген авыл фельдшеры Рәмзия Исламова хәзерге вакытта иң киң таралган сулыш юллары авыруларын профилактикалау буенча әңгәмә үткәрде. Фельдшер үзенең киңәшләрен бирде. Алдагы очрашуларда яшүсмерләр арасында начар гадәтләрне булдырмау темасына әңгәмә оештырылачак. 

Мәктәбебездә бүген "Коррупциягә каршы тору"атналыгы башланып китте. Тарих һәм җәмгыять белеме  укытучысы Хәбибуллина Г.Г. кызы 6-7 класс укучылар белән "Антикоррупцион марафон - 2015! темасына әңгәмә үткәрде. Укучылар коррупциягә карата үз фикерләрен белдерделәр, аңа каршы тору чараларын ачыкладылар. Әлеге тема буенча эшләр дәвам итәчәк...