Бөек Җиңү көне — безнең өчен иң кадерле бәйрәмнәрнең берсе. Бу көнне без тынычлык өчен гомерләрен кызганмаган батырларыбызны искә алабыз, аларның якты истәлегенә баш иябез.
Быелгы митинг та күңелләрдә тирән эз калдырды. Укучыларыбыз үзләренең чыгышлары белән бу бәйрәмгә аерым бер җылылык, ихласлык өстәделәр. Аларның җырлары, биюләре, йөрәкләргә үтеп керерлек итеп сөйләнгән шигырьләре һәркемнең күңелен кузгатты.
Бу чыгышлар — бары тик сәнгать кенә түгел, ә буыннар бәйләнеше, тарихка, Ватанга мәхәббәтнең ачык мисалы. Укучыларыбыз үзләренең сәләтләре, тырышлыклары белән Бөек Ватан сугышы ветераннарына, тыл хезмәтчәннәренә, сугыш чоры балаларына олы хөрмәт һәм рәхмәт хисләрен җиткерделәр.
Кадерле укучыларыбыз! Сезгә зур рәхмәтебезне белдерәбез. Сезнең активлыгыгыз, иҗади сәләтегез, патриотлык хисләрегез киләчәктә дә шулай балкып торсын.
Шулай ук әти-әниләргә һәм укытучыларга да зур рәхмәт. Балаларда туган телгә, тарихка, Ватанга мәхәббәт тәрбияләүдә сезнең өлешегез бик зур