Бүген балалар бакчасы тәрбиячеләре Магсумова Г.Х. һәм Асхадуллина М.Ф.әти-әниләр каршында балалар белән ачык шөгыльләр үткәрделәр. Соңыннан, җыелыш өлешендә, балаларны тәрбияләүгә кагылышлы мәсьәләләр каралды.

Эшче һөнәрләр елы кысаларында балалар бакчасында тәрбияләнүчеләр авыл китапханәсендә экскурсиядә булдылар. Китапханәче Сабирзянова Р.Н. балаларны үзенең эш урыны, үз һөнәренең асылы белән, нәниләр өчен яңа китаплар белән таныштырды. 

3 нче сыйныф укучысы Фазуллина И. "Без бергә" фестивалендэ "Вокал" номинациясендә чыгыш ясады. 

Эшче һөнәрләр елы кысаларында Пешәнгер башлангыч мәктәбе укучылары Пешәнгер авылының медпунктында экскурсиядә булдылар. Медсестра Е.А. укучыларны үзенең эш урыны, үз һөнәренең нечкәлекләре белән балаларга аңлаешлы итеп таныштырды.

Пешәнгер башлангыч мәктәп-балалар бакчасы укучылары ГТОның кышкы сессиясен уңышлы тапшырдылар.

Пешәнгер авыл китапханәсенең мәктәп-бакча белән бер бинада урнашуы бик уңайлы. Китапханәче Сабирзянова Р.Н. балалар тәрбияләүдә мәктәп-бакча белән тыгыз хезмәттәшлек алып бара. Менә бүген дә башлангыч сыйныф укучылары китапханә белән берлектә оештырган "Батарейка тапшыр!" акциясендә катнаштылар. Китапханәче укучыларга батарейканың табигатькә китергән зыяны, әлеге акциянең файдасы турында бик үтемле итеп сөйләде. Укучылар алып килгән батарейкаларын тапшырдылар, табигатьне саклауда үзләреннән дә өлеш керткәннәреннән канәгать калдылар.

Туган як табигатен саклау - һәркемнең бурычы. Педагогик коллектив алдында  яшь буында әйләнә-тирәгә сакчыл караш тәрбияләү, табигатьне сакларга, яратырга өйрәтү бурычы куела. Әлеге вакытта авыл китапханәсе белән берлектә "Батарейка тапшыр – керпенең гомерен сакла!" акциясе алып барыла. Китапханәче Сабирзянова Р.Н. батарейкаларны тапшыру пунктына килгән балаларга бик эчтәлекле итеп, әлеге эшнең асылына төшендереп аңлата.  Менә бүген дә балалар бакчасында тәрбияләнүче Мухаметзянов И. 25 батарейка алып килде, Рәйфә апасыннан керпе турында мәгълүмат туплап, үзенең табигатьне саклауга күпмедер өлеш керткәненә куанып чыкты.

   Әле бакчада өелеп кар ятса да, мәктәп тәҗрибә участогы өчен җаваплы педагог Кутдусова Г.М.  бакча эшләрен февраль ахырында ук башлап җибәрде инде. Дәрестән тыш эшчәнлек вакытында бу эшкә ул 4 сыйныф укучыларын да җәлеп итә. Помидорлар чәчелде, борыч  һәм баклажан үсентеләре күтәрелеп килә.  

Балалар бакчасында тәрбияләнүче нәниләр көндәлек режим буенча саф һавада күп уйныйлар, хәрәкәт итәләр. Саф һавада хәрәкәт итү матдәләр алмашын, кан әйләнешен тәэмин итә, аппетитны үстерә. Балалар каршылыкларны җиңәргә өйрәнә, җитезлектә, кыюлыкта камилләшә. Аларда хәрәкәт итү үсә, кәеф күтәренкелеге тотрыклана.

Менә бүген нәниләр кышны үзләренчә күңелле итеп озатып калырга теләк белдерделәр. Үз куллары белән Кар бабай ясадылар, аның тирәсендә күмәк уеннар уйнадылар.

Бүген дәресләрдән соң укучылар чираттагы "Юл әлифбасы" түгәрәгенә ашыктылар.

Юл аркылы чыкканда,

Уңга – сулга карарга

Өйрәтәләр мәктәпләрдә, мәктәпләрдә.

Светофорны тыңларга,

Кагыйдәне бозмаска

Өйрәтәләр мәктәпләрдә, мәктәпләрдә.