Бүген иртәнге линейкада мәктәп-балалар бакчасы директоры Кутдусов Р.Ф. укучылар белән грипп, ОРВИ, коронавирус инфекциясеннән саклану чаралары, юлда йөрү кагыйдәләре, аеруча велосипедта йөрү кагыйдәләре турында сөйләшү алып барды.

Бүген Пешәнгер авылында гомер итүче тыл ветераны Сәйфуллина Ингелсина апанын гомер бәйрәме - 90 яшьлек юбилей көне. Бу көн хөрмәтле ветераныбыз өчен икеләтә истәлекле булды. Ана Җиңүнең 75 еллыгы уңаеннан медаль тапшырылды. Әлеге чарада Пешәнгер мәктәбе укучылары да катнашты.

Башлангыч мәктәп укучылары Бөек Ватан сугышы елларында тылда хезмәт куйган ветераннар турында мәгълумат җыюны дәвам итәләр. Мирҗәм авылында яшәүче хөрмәтле ветераныбыз Ахмадиева Н.Г. укучыларның кызыксындырган сорауларына җавап бирде, аларга матур теләкләрен белдерде.

Бүген укучыларыбыз тыл ветераннарында булдылар. Аларны Халыкара хатын-кызлар көне белән котладылар,  үз куллары белән әзерләгән открыткаларны бүләк итттеләр.

Бүген балалар бакчасында  8 Март Халыкара хатын-кызлар көненә багышланган бәйрәм иртәсе үтте. Нәниләр бәйрәмгә әбиләрен, яраткан дәү әниләрен чакырдылар. Бәйрәмдә әниләр, әбиләр турында шигырьләр, җырлар яңгырады, дәртле биюләр башкарылды. 

Фронт һәм тыл - бу сүзләр бер-берсеннән аерылгысыз. Тылдан башка фронт була алмас иде. Хатын-кызлар тылда ирләр эшен дә башкарганнар, илебез азат булсын, җиңү көне килсен  дип үз-үзләрен аямаганнар... 

Мәктәп укучылары  "Сугыш балалары" акциясе үткәрә. Укытучылар белән укучылар тыл ветераннары янына баралар, алар турында анкеталар җыялар, сугыш елларының авырлыклары турында язмалар туплыйлар.

1нче сыйныф укучысы Газимов Б. белем дөньясындагы беренче җиңүен бәйрәм итте. “Кемнең миллионер буласы килә?” уенының  биш юнәлеше (Әлифба, Азбука, Математика, Музыка, Әйләнә-тирә дөнья) буенча оештырылган биремнәрне башкарды. Бу бәйрәмдә ул үзенең җыр-биюгә осталыгын да күрсәтте. Бәйрәм бик күңелле үтте. Газимов Б.ны  “Белем иле”ндәге беренче зур җиңүе белән котлыйбыз.

Җиңү җиңел бирелмәде. Аны якынайту, иминлек өчен ир-егетләребез яуда кан койса, тылда аларны хатын-кыз, әби-бабай һәм арык җилкәле яшүсмерләр алыштырды. Без тылда фидакарь хезмәт куйган ветераннарыбызны игътибар үзәгеннән читтә калдырмаска тиеш. Бүген мәктәп-бакча директоры Кутдусов Р.Ф. тыл ветераннарын, Бөек Җиңүнең 75-еллыгы уңаеннан, медальләр белән бүләкләүдә катнашты. 

Иртәнге линейка вакытында директор Кутдусов Р.Ф. укучылар белән, аларның юлда йөрү кагыйдәләрен, "өй-мәктәп-өй" маршрутында дөрес хәрәкәт итүне  ни дәрәҗәдә белүләрен ачыклап, әңгәмә үткәрде. 

  Бөек Җиңүнең 75 еллыгына багышланган почмак күргәзмәсе яңартыла, тулыландырыла.