Мәктәп-балалар бакчасында ТАССР төзелүнең 100-еллыгына багышланган чараларга старт бирелде. Иң беренче эш итеп "ТАССР төзелүгә  - 100 ел" дигән тематик почмак булдырылды. 

Кар бабай - кышын ясалучы кардан әвәләнгән гади скульптура. Кар бабай әвәләү - элеккедән үк килгән балаларның күңел ачу чарасы. Әмма быелгы җылы һава торышы урамда балалар әвәләп ясаган кар бабайларны да эретеп юкка чыгарды. Балалар бакчасындагы нәниләр кар бабайны кисеп ябыштырдылар. Болары инде, эреп, юкка чыкмас!

Бүген мәктәбебездә ата-аналар җыелышы булып узды. Җыелыш кысаларында сыйныф җитәкчеләре үз классларында математика фәненнән ачык дәресләр күрсәттеләр. Аннан соң  әти-әниләр белән классларда икенче чирек йомгаклары буенча сөйләштеләр. Җыелышның өченче өлешендә барлык ата-аналар каршында мәктәп-балалар бакчасы җитәкчесе Кутдусов Р.Ф. чыгыш ясады. Үз чыгышын ул  укыту-тәрбия өлкәсендәге мөһим проблемаларга багышлады.  

Башлангыч сыйныфлар укытучысы Галәүтдинова И.Р.ның 4нче сыйныф укучысы Фазуллина И.Л. татар теленнән Республика күләм  олимпиаданың район этабында җиңү яулады. Бу көннәрдә алар Республика күләм  олимпиадага әзерләнәләр. Аларга уңышлар телик!

Балаларның саф һавада булуы физик яктан камил үсеше өчен  бик кирәк. Саф һавада йөрүләр бала организмын чыныктыруда беренчел һәм мөмкин булган чара. Саф һавада балалар күп уйный, хәрәкәт итә. Хәрәкәт итү матдәләр алмашын, кан әйләнешен тәэмин итә, аппетитны үстерә. Балалар каршылыкларны җиңәргә өйрәнә, җитезлектә, кыюлыкта камилләшә. Аларда хәрәкәт итү үсә, кәеф күтәренкелеге тотрыклана. Саф һавада булу акыл үсеше өчен дә файдалы.  Күзәтүләргә нигезләнеп балаларның танып белү даирәсе камилләшә, белем дәрәҗәсе үсә. Кызыксынучанлык, иҗадилык формалаша. Әхлак тәрбиясе бирелә. Кышкы уеннар балалар өчен аеручада кызыклы уза. Рәхәтләнеп кар тәгәрәтеп, чаналарда шуып.

Кышкы саф һавада уйнау физик сәламәтлек өчен генә түгел, күңел күтәренкелеге өчен дә бик файдалы. Чаңгыда, чанада шуу, кар бабай ясау, бер-береңә кар түмгәкләре ыргытып уйнау һәм башка төрле уеннар балаларга шатлык, энергия, бәхет өсти. 

Укучыларның кышкы каникуллары күңелле үтә.

Чанада да шуабыз,

Чаңгыда да шуабыз.

Тимераякта очабыз,

Чыжлап тора шома боз.

Тауларга да барабыз,

Кырларга да чыгабыз.

Кар-буран дип тормыйбыз,

Шуабыз да шуабыз.

Шашка-шахмат буенча профсоюз зона ярышларында безнең мәктәп-балалар бакчасының педагогик хезмәткәрләре матур уен күрсәттеләр. Магсумова Г.Х. - 1 урынга, Котдусова Г.М 2нче урынга лаек булды. Котлыйбыз!

Бүген Пешәнгер авылы мәдәният йортында балалар бакчасында тәрбияләнүче нәниләребезнең  "Яңа ел әкияте" дип исемләнгән бәйрәм иртәсе булып үтте. Нәниләр үзләренең нәфис сүзгә, җыр-биюгә осталыкларын күрсәттеләр.Әти-әниләр, авыл халкы, сокланып, балаларның чыгышларын тамаша кылдылар.