Бүген мәктәп-балалар бакчасында ата-аналар җыелышы булып үтте. Иң беренче гомуми җыелышта уку елының  1 нче чиреге буенча уку һәм тәрбия эшләренә анализ ясалды, киләсе чирекккә яңа максат һәм бурычлар белән таныштырылды. Котдусов Р,Ф.  әти-әниләрне дә ГТО нормаларын үтәү тәртипләре белән якыннан таныштырды.  Җыелышның икенче өлеше класс җитәкчеләре белән классларда дәвам итте.

Ашытбаш урта мәктәбендә оештырылган республикакүләм шахмат ярышларында безнең мәктәбебездән дә укучылар актив катнашты.  Галаветдинова А. башлангыч сыйныф укучылары арасында 3 нче урынны яулады.

Балалар бакчасында укучыларга милли уеннарга зур игътибар бирелә. Нәниләр җырлы-биюле татар халкының милли уеннарын бик теләп өйрәнәләр.

Мәктәп белән китапханә бер бинада булуы барыбыз өчен дә бик уңайлы. Укучылар авыл китапханәсенә даими керәләр. Китапханәче Сабирҗанова Рәйфә апалары да аларны яңа китаплар белэн таныштырып тора, укучыларда китап укуга кызыксыну тәрбияли.

Өйрәтәбез балаларны

Күмәкләшеп  уйнарга.

Уен аша өйрәнәләр

Фикерләргә, уйларга.

 Мәктәбебездә "Без әкият яратабыз" дигән ункөнлек башланып китте. Бүген  тәрбия сәгатьләрендә укучылар Абдулла Алишның тормышы һәм иҗаты белән таныштылар. Укылган һәм мультфильмнан караган әкиятләрне анализлап, тәрбияви сыйфатларын ачыкладылар.

Каникул чорында укучыларга әти-әниләре ярдәмендә, буыннарны барлап, шәҗәрә агачы төзергә кушылды. Бу эш мәктәп кысаларында конкурс буларак үткәрелә. "Үткәнен белмәгәннең-киләчәге юк", -дигәннәр бит борынгылар.  Бу иҗади эш балаларда зур кызыксыну уятты.

Бүген балалар бакчасына мәктәп укучылары һәм әти-әниләр кунакта булды. Нәниләребез бик матур итеп "Үги кыз" әкиятен сәхнәләштерделәр. Комсызлык, саранлык сыйфатларын булдырмыйча, дус-тату булып яшәргә кирәклеген башкаларга җыр аша җиткерделәр.

Мәктәбебезнең башлангыч сыйныфлар укытучысы Мәгъсүмова Г.Х. Шушмабаш урта мәктәбендә үткәрелгән "Ел укытучысы" зона ярышларында әйләнә-тирә дәресеннән ачык дәрес бирде һәм математикадан телдән исәпләү буенча мастер класс үткәрде.

леге дәресләрне «Мәгариф» журналының сайтын төзүче һәм техник яктан алып баручы, «Матбугат.ру» сайты җитәкчесе, «Виртуаль дөнья» китабы авторы Данил Сәфәров үткәрде. Соңыннан ул укытучыларны кызыксындырган сорауларга җавап бирде.