Укучыларыбызга әтиләренә бүләк итеп, аларга багышлап шигырь язарга тәкъдим итәбез.

Әтиләргә багышлап,

Шигырьләр иҗат итик.

Шигъри юллар  белән,

Яратуны күрсәтик.

Бүген укучылар белән "Ленинград блокадасы" темасына һәр класста әңгәмәләр оештырылды.  Балалар зур кызыксыну белән тыңладылар һәм үзләрен кызыксындырган сорауларга да җаваплар таптылар.

1 нче сыйныф укучылары тәүге китаплары - "Әлифба"ны тәмамлау алдында. Алар соңгы хәрефләрне, соңгы авазларны өйрәнәләр. Шуның белән беррәттән "Әлифба бәйрәме"нә зур әзерлек башланды.

Нинди рәхәт бүген һава -

Чаңгы шуарга була.

Чаңгы шуган бала гына

Һәрчак сәламәт була.

Физик тәрбия дәресләрендә укучылар мәктәп яны мәйданчыгында чаңгы шуып, сәламәтлекләрен ныгыталар.

Балалар бакчасында нәниләр табигать почмагында еш булалар. Аны һәр ел фасылына туры килерлек итеп, тәрбияче апалары белән берлектә тулыландырып торалар.

Балалар бакчасына йөрүчеләр бүген мәктәп-бакча музеенда кунакта булдылар.  Алар борынгы эш кораллары, акчалар, бизәнү әйберләре белән  таныштылар. Тәрбияче апаларын зур кызыксыну белән тыңладылар.

Балалар бакчасында нәниләр зур кызыксыну белән хәрефләрдән сүзләр төзеп уйныйлар.

Ничек күңелле икән ул

Хәрефләрне таныгач.

Шатланабыз барыбыз да

Исемне язып куйгач.

Бүген Апаз урта мәктәбендә " Ел класс җитәкчесе" бәйгесенең зона этабы үтте. Безнең мәктәптән 2 нче сыйныф җитәтәкчесе Котдусова Г.М. катнашты. Ул  башлангыч сыйныф укучылары  белән экология темасына "Могҗизалар кыры" үткәрде. Осталык дәресе "Без төрлеләр, ләкин без бергә" темасына  карата оештырылган иде.

Түгәрәккә басабыз да

Яңа уен уйныйбыз.

Ә бүген куянкайның

Сыйфатларын саныйбыз.

Бүген Арча шәһәрендә "Ел тәрбиячесе-2017" конкурсының йомгаклау туры үтте. Безнең балалар бакчасыннан Нигъмәтҗанова Л.Ә. чыгыш ясады.