Бүген мәктәбебездә  Әфганчыларыбызны искә алу кичәсе булып узды. Әфган сугышында катнашкан авылдашларыбыз турында укучыларыбыз белән альбомнар карадык,  сугыш кырында һәлак булучы авылдашыбыз Васыйл Әһлиуллинны искә алдык һәм аның турында презентация күрсәтелде.

Бүген патриотик шагыйребез Муса Җәлилнең туган көнен билгеләп уздык. Аның тормыш һәм иҗат юлы турында класс сәгатьләре үткәрелде. Укучыларыбыз Муса Җәлилнең шигырьләрен сәнгатьле итеп сөйләделәр. 

Алсу курчагыбызга диеп,

Тәлинкәләр бизәдек.

Тырышып ябыштырдык, 

"Нәниләр без", -димәдек.

Математика шөгылендә

Саныйбыз, исәплибез.

Төрле фигуралар белән

Рәсемнәр дә ясыйбыз.

Бүген укучыларыбыз белән Фәнис Яруллинның тормышы, иҗаты һәм әсәрләре белән таныштык. Укучыларыбыз аның шигырьләрен яттан сөйләделәр.

Укучыларга кабат кышкы уеннар, чаңгы-чана шуган вакытларда үтәлергә тиешле кагыйдәләр, төп таләпләр аңлатылды.  Яр кырыйларында, түбә яннарында  уйнамаска, саклык чараларын күрергә кушылды.  

Бүген мәктәп-балалар бакчасында "Берлек кайда-көч шунда" исеме астында дуслык кичәсе булып узды. Педагог-оештыручы Котдусова Г.М. укучыларны дуслык төшенчәсе белән тирәнрәк таныштырды. Укучылар төрле уеннар, ярышларда катнаштылар. Кичә ахырында бердәмлектә генә көч булуына инандылар һәм бергәләшеп "Дуслык агачы" төзеделәр.

Салкын көннәрдә кошчыклар

Туңуын без беләбез.

Канатлы дусларыбызга

Көн дә җимнәр бирәбез.

Укучыларыбыз авыл китапханәсенә даими йөриләр. Китапханәче апалары аларны яңа кайткан китаплар белән таныштыра, әдәби әсәрләр укуга кызыксыну уята.