Башлангыч  сыйныфлар атналыгының 4 нче көне “Саф һавада хәрәкәтле уеннар...” дип аталды.  Саф һавада уеннарны балалар бик яраталар. Бүген, башлангыч сыйныф укучылары бик кызыксынып саф һавада татар халык уеннарын уйнадылар. Нинди генә һава торышы булмасын, саф һавада булу балалар өчен бик файдалы. Урамда балалар табигатьне күзәтә, күзаллавын үстерәләр, хәрәкәтле уеннар уйнап чыныгалар.

Башлангыч  сыйныфлар атналыгы кысаларында,  укучылар белән китапханәдә,  “Сәламәт тәндә – сәламәт акыл” темасына викторина үткәрелде. “Саулык – иң зур байлык”, - ди халык. Чыннан да, сәламәтлек – кеше бәхетенең нигезе,  сәламәт булганда гына кеше үзенең теләк-омтылышларына ирешә, тирә-якны танып-белә,  хезмәттән,  уеннан,  физик күнегүләрдән ямь таба. Ә сәламәт булу өчен нишләргә, нинди яшәү рәвеше алып барырга? Укучылар уеннар аша шул сорауга җаваплар таптылар.

9 нчы сыйныф укучылары драматург Туфан Миңнуллинның “Кайда хаклык, кайда дөреслек” комедиясен сәхнәләштерделәр.  Спектакльне тамашачылар җылы кабул иттеләр.

Башлангыч  сыйныфлар атналыгының 3 нче көне “Телләр белгән, илләр гизгән...” дип аталды.  Бүген башлангыч сыйныф укучылары сәламәтлек  темасына мәкальләр, әйтемнәр, табышмаклар  чиштеләр.  Соңыннан укучылар   “Татармультфильм иленә сәяхәт “  дигән исем астында  Габдулла Тукай  әсәрләре буенча төшерелгән  мультфильмнар карадылар.

Сәламәтлек – кешенең иң мөһим байлыгы. Чөнки ул булмаса, кеше бик күп нәрсәләрдән мәхрүм. Сәламәтлек кеше бәхетенең нигезе, исәнлек булганда гына кеше үзенең хыялларын тормышка ашыра ала, тормышта актив катнаша, хезмәттән, тормыштан тәм табып яши.  Балалар арасында дуслыкны, татулыкны арттыру, спортка мәхәббәт тәрбияләү максатыннан бүгенге көнебезне хәрәкәтле уеннарга багышладык.

7нче класс укучылары Фәнис Яруллинның “Ак яфрак” пьесасын сәхнәләштерделәр. Язучының әсәрендә  яхшылык һәм яманлык, тырышлык һәм ялкаулык, дөреслек һәм ялган турында әйтергә теләгән уйларын тамашачыга җиткерергә тырыштылар.

Учащиеся 7 класса показали спектакль по пьесе Ф.Яруллина “Ак яфрак”. Зрители следили за тем, как силы добра побеждают зло. Юные актёры старались  передать характеры своих героев.

Сәрдәбаш башлангыч мәктәбе укучылары сәламәт яшәү рәвешен үзләре ясаган рәсемнәрдә күрсәтергә тырыштылар. 

Башлангыч  сыйныфлар атналыгы кысаларында укучыларны сәламәтлекнең тормышта иң кирәкле, мөһим шарт икәнлегенә төшендерү  максатыннан “Сәламәтлегебез үз кулыбызда” темасына күргәзмә оештырылды.

Мәктәбебездә башлангыч сыйныфлар атналыгы дәвам итә. Атналык кысаларында  башлангыч сыйныф укучылары белән “Күңелле стартлар” уены уздырылды. Укучылар ике командага бүленеп спорт ярышларында көч сынаштылар. Уен укучыларга бик ошады.Уен барышында балалар арасында дуслык, игътибарлылык, җитезлек сыйфатлары ныгыды.

Мәктәбебездә башлангыч сыйныфлар атналыгы башланды. Атналык кысаларында “Сәламәтлек иленә сәяхәт” темасына әңгәмәләр үткәрелде. Әңгәмә барышында укучылар сәламәт яшәү нигезләре һәм шәхси гигиена кагыйдәләре белән таныштырылды. Таза – сәламәт яшәү өчен тормыш рәвешенең зур әһәмияткә ия булуы, үз сәламәтлегеңә җаваплы карарга кирәклеге төшендерелде .