Бүген мәктәптә “Баланы мәктәпкә әзерләргә булыш! “ акциясе кысаларында зур бәйрәм уздырылды. Бәйрәмдә  Буратино һәм аның дуслары катнашты.  “Бердәм Россия” партиясенең җирле башкарма комитеты җитәкчесе Тәлгать Таһир  улы Җәләлетдинов  һәм  "Арча  хәбәрләре" газетасының   баш  мөхәррире   Исрафил Рәхмәтулла  улы  Насыйбуллин быел 1 класска укырга баручы 10 балага мәктәп сумкасы һәм уку әсбаплары бүләк иттеләр.  Бәйрәмдә  Түбән Аты, Югары Аты, Утар Аты, Субаш Аты  мәктәпләреннән дә балалар, әти-әниләр, укытучылар катнашты. Алар бергәләп җырладылар, биеделәр, күңел ачтылар. Безнең нәни дусларыбызны сөендергәннәре өчен район җитәкчеләренә, мәктәп коллективы һәм әти-әниләр исеменнән зур рәхмәтебезне белдерәбез. Мәктәп бусагасын тәүге тапкыр атлап кергән укучыларыбызга ак юллар теләп калабыз.