Хәзер берәр җирең авыртып, дару эзләп, даруханәгә керә калсаң, аларның бәяләре кыйммәт. Котчыкмалы бәяләр бит! Югыйсә шифасы тиярдәй дару үләннәре аяк астыбызда гына бит. Вакыт табып, иренмичә җыеп ал да киптерергә куй. Чирли-нитә калсаң, ел әйләнәсе үз кулларың белән җыйнап куйган дару үләннәренең тиешлесен шифасы тиярдәй итеп куллан гына. Җәй, бигрәк тә аның июль ае – дару үләннәре җыеп куюның иң кулай вакыты. Шуны белепме, Арча районында «Дару үләннәрен җыю » акциясе игълан ителде. Наласа мәктәбе укучылары да бу чарадан читтә калмады, әлбәттә, 1 – 11 нче сыйныф укучылары карлыган яфрагы,юкә чәчәге җыйдылар.