Бүген мәктәбебездә Габдулла Тукайның тууына 133 ел тулу уңаеннан авылдаш язучылар иҗатына багышланган "Авылдашлар-безнең горурлык" дип исемләнгән бәйге үткәрелде. Авылдаш язучыларыбыз иҗатын тирәнтен өйрәнүгә, укучыларда әдәби иҗатка омтылыш тәрбияләүгә, укучыларның сәнгатьле сөйләү мөмкинлекләрен үстерүгә, сәләтле балаларны ачуга юнәлдерелгән әлеге бәйгегә мәктәбебез укучылары да, укытучылары да бик ныклап әзерләнделәр.

                 Чыгышлар түбәндәге юнәлешләр буенча узды:

 1.     Авылдаш язучыларыбызның шигырьләрен, әсәрләрен сәхнәләштерү;

 2.     “Каләм алдым кулыма...” укучылар үзләре иҗат иткән шигырь, хикәяләрен тәкъдим итәләр;

   3.  “Авылдаш язучыларыбыз иҗатын беләсеңме?” язучыларның шигырьләрен, әсәрләреннән өзекләрен сәнгатьле итеп

          сөйләү;

4.     Рәсем – авылдаш язучыларыбызның иҗатын рәсемдә чагылдыру.

         Чыгышларга бәя биргән мәртәбәле жюри, мәктәбебезнең һәрвакыт көтеп алган кунаклары, олы хөрмәткә лаек авылдашларыбыз:  язучыбыз Гүзәл Әдһәмгә, авылыбыз шагыйрәсе Гөлчирә апа Нәҗметдиновага, ветеран укытучыбыз Нурсия апа Галиуллинага, Арча муниципаль районы “Мәдәният идарәсе” җитәкчесе Рамил Рафисовичка һәм чараны, укучыларны әзерләгән укытучыларга, катнашкан укучыларга  олы рәхмәтебезне белдерәбез.