Тукай иҗаты Җиһанга ямь, яктылык чыганагы, яшәү көче бөркеп, җирне, күңелләрне җылытып торучы мәңгелек кояш кебек үзенә бер илаһи көчкә ия. Аның шигырьләре, моңлы бер җыр кебек, гасырлардан гасырларга күчеп, күңел кылларын тибрәндерә, еларга, да, көләргә дә, уйланырга да мәҗбүр итә.
 Тукай – безнең юлдашыбыз. Аның Шүрәлесе, Су анасы, Кәҗә белән Сарыгы һәм башка геройлары сабый чактан бүгенге көнгә кадәр безне озатып килә. “Туган тел”е ана телебезгә хөрмәтебезне үстерсә, “Туган авыл”ы газиз туган җиребезгә мәхәббәтебезне көчәйтә. Бүген мәктәбебездә  Тукайның  130  еллыгына  багышланган  чара  булды. Әлеге  чарада  барлык  класс  укучылары  да  актив катнашты.Укучыларыбыз  аның  шигырьләрен, җырларын  яратып  башкаралар. Әкиятләрен, шигырьләр сәхнәләштереп  тә  күрсәттеләр.