Учащиеся познакомили родителей, бабушек и дедушек с возможностями сайта госуслуг и электронного правительства.

«Мәрхәмәтлелек” атналыгы   кысаларында  башлангыч класс укучылары сыйныф җитәкчеләре Фазылҗанова Г.Н. һәм Гараева Г.И.  белән мәктәп музеена экскурсия ясадылар. Гөлфия Наиловна балаларны экспозицияләр белән таныштырды. Укучылар бик кызыксынып тынладылар.Аларга бик ошады.Тархи

2017 ел – Илебез күләмендә  Экология елы уңаеннан Яңа Кишет төп мәктәбе авыл китапханәсе  белән берлектә ,,Табигать – чаң кага!”  исемле экологик суд уздырды. Әлеге чарада Татарстан Республикасы экология һәм табигать байлыклары министрлыгының Төньяк территориаль идарәсе белгече Фирдәүсә Камил кызы  Латыш,  ,,Ашыт” дәүләт тыюлыгы белгечләре Әхмәтҗанов Рәшит Зиннур улы, Абдрахманова Гөлнара Ильяс кызы,  мәктәбебездә озак еллар  химия - биология фәннәреннән белем биргән  ветеран укытучыбыз Әлфия апа Шакирҗанова  катнашты һәм чыгыш ясады. Кунакларның һәркайсы эчтәлекле, файдалы мәгълүматлар, фактлар аша бүгенге көндә республика, район  күләмендә экологиянең торышы турында мисаллар китерде, экологик  акция, бәйгеләрдә  катнашырга чакырып күргәзмә –материаллар, иң кадерлесе яңа гына дөнья күргән Кызыл китапның 3 нче басмасын бүләк иттеләр, чарада катнашучыларга истәлекле бүләкләр,  грамоталар тапшырдылар.

15-25 апрель көннәрендә  "Мәрхәмәтле Татарстан"- язгы изге эшләр атналыгы уза. Шул уңайдан безнең мәктәп укучылары өлкәннәргә ярдәм итәргә бардылар. Аларга йорт тирәсендә, хуҗалык эшләрендә булыштылар. Өлкәннәребез чын йөрәктән балаларга рәхмәтләрен җиткерде, изге теләкләрен теләделәр.

Габдулла Тукайның 131 еллык юбилее уңаеннан, яшь буынга рухи-әхлакый тәрбия бирүдә әдипнең тормыш юлын өйрәнүне һәм иҗатын пропагандалау максатыннан, Татарстан Республикасында Экология һәм иҗтимагый киңлекләр елы уңаеннан Татарстан Республикасы Мәгариф һәм фән министрлыгы, Г.Тукай әдәби музее, Арча муниципаль районы  Яңа Кырлай урта мәктәбе тарафыннан VI Республикакүләм Габдулла Тукай укулары үткәрелде.Безнең мәктәптән бу укуларда башлангыч сыйныф укытучысы Фазылҗанова Г. Н., 8 нче класс укучысы Cабирҗанов С., 9 нчы сыйныф укучысы Фазылҗанов А. уңышлы чыгыш ясап, призлы урыннарга лаек булдылар. Аларга киләчәктә дә уңышлар телибез.

Мәктәбебездә экология елына багышланган "Без табигать сакчылары" дип исемләнгән рәсем конкурсы булды.Рәсемнәрдә төбәгебезнең экологик торышы   яктыртылды.  Конкурста 5 - 8 сыйныф укучылары актив катнашты. Укучылар мөхитне саклауга һәркем  үз өлешен кертсен иде дигән чакыру белән мөрәҗәгать иттеләр.

12 нче  апрель 1961 нче  ел -  Кешенең галәмгә беренче очуы. Шушы зур вакыйгага багышлап физика укытучысы Ибраһимова Г.Р. 5-9 класс укучылары өчен ”20 гасыр- Космонавтика гасыры” дигән тема астында чара күрсәтте . Укучылар Ю.А.Гагаринның тормышы, аның эшчәнлеге белән таныштылар. Чараның икенче өлешендә космонавтика өлкәсенә бәйле булган сорауларга җавап бирделәр.Укучылар үткәреләгән чарадан бик канәгать булдылар.

Атналык кысаларында тарих һәм җәмгыять белеме укытучысы Сабирзянова Г.Р. 7 класста тарихтан "Екатерина II нең тышкы сәясәте" темасы буенча ачык дәрес күрсәтте. Укучылар Россия тарихында мөһим урын тоткан патшабикәнең тышкы сәясәтндәге эшчәнлеге белән таныштылар. Актуаль сорауларга җавап бирделәр, фикер алыштылар. Теманы карточкалардагы биремнәр буенча ныгыттылар. Дәрес эшлекле үтте. 

Мәктәбебез укучылары "Экология елы" уңаеннан коллажлар ясадылар. Алар табигать, аның байлыкларын, аңа зыян китерүчеләрне тасвирладылар. Ясалган һәр плакат укучыларга экологик тәрбия бирүдә зур әһәмияткә ия. 

1-4 класс укучылары сыйныф җитәкчеләре  Фазылҗанова Г.Н ,  Гараева Г.И. җитәкчелегендә Яңа Кишет авыл китапханәсенә экскурсия оештырдылар. Надия Ризвановна балалар  өчен чыккан яңа басмалар белән таныштырды. Кызыклы уеннар оештырды.Очрашуда  балалар   яңа мәгълуматлар алдылар