15 нче ноябрь көнне мәктәптә ата-аналар җыелышы булып үтте. Җыелышта участок инспекторы Муллагалиев Фәнил Илһам улы чыгыш ясады. Ул балаларда яктырткыч элементлар булырга тиешлеге, кичке якта урамда ялгыз йөрергә ярамавы турында сөйләде. Шулай ук ФАП мөдире Юсупова Надия котыру чире, аның билгеләре һәм кисәтү чаралары белән таныштырды. Башлангыч сыйныфлар укытучысы Давлиева Алсу Расимовна тәрбияви темага доклад ясады. Мәктәп директоры Шакиров Рәдис Наилович 1 нче чирек нәтиҗәләре, кайнар аш белән тәэмин итү мәсьәләсенә тукталды. Соңыннан әти-әниләр классларга таралды. Сыйныф җитәкчеләре балаларның укулары, тәртипләре, 2 нче чиреккә бурычлар белән таныштырды.

Канатлы  дусларыбыз өчен авыр көннәр җитә: азык табу кыенлаша.Шуны истә тотып  5-6 нчы сыйныф укучылары  кышлаучы кошлар туклансын өчен җимлекләр ясадылар,мәктәп бакчасындагы, йортларындагы агачларга урнаштырып та куйдылар.һәр көнне иртән мәктәпкә китешли  ризык салып китәргә дип килештеләр.Сыйланыгыз,кошкайлар!

  На классных часах в  соответствии с  письмом Управления федеральной службы по надзору в сфере связи, информационных технологий и массовых коммуникаций по Республике и Министерства образования и науки Республики Татарстан прошло тестирование среди обучающихся 3-9-х классов на проверку знаний по вопросам защиты персональных данных .

23 нче октябрь көнне Арчаның 5 нче гимназиясендә Башлангыч профсоюз оешмасының мылтыктан ату һәм дартс буенча ярышы булып узды. Бу ярышта безнең мәктәп укытучылары да читтә калмады. Дартс буенча  хатын – кызлардан  Хәсәнова Э.И., ир – атлардан Кашшапов Ф.Х., мылтыктан ату буенча хатын – кызлардан Маликова Г.Г., ир – атлардан Хакимзянов Р.Р.  үзләренең осталыкларын күрсәтеп кайттылар.  

Мостай Кәрим (Мостафа Сафа улы Кәримов) – Россия һәм башкорт әдәбиятының танылган классигы, язучы, драматург, публицист, җәмәгать эшлеклесе. Ул Бөек Ватан сугышында катнашкан, Социалистик Хезмәт Герое, РСФСР атказанган сәнгать эшлеклесе, СССР Дәүләт Премиясе, Ленин премиясе, М.Шолохов исемендәге Халыкара премиясе лауреаты, күп кенә хәрби һәм хезмәт орденнары һәм медальләре кавалеры.       Шушы уңайдан мәктәбебездә  язучы, драматург, шагыйрьнең тормыш юлы һәм иҗаты өйрәнелде.

Мәктәбебезнең 5 нче сыйныф укучылары һәм аларның әти-әниләре сыйныф җитәкчеләре  Хәмидуллина З.Я. җитәкчелегендә “Тату класс серләре” дигән районкүләм бәйгедә катнашып, “Иң күп укучы сыйныф” номинациясендә   җиңүче булдылар. Бу сыйныф укучыларына  киләчәктә тагын да зуррак уңышларга ирешүләрен телибез.

   Татарстан Республикасы Арча муниципаль районының«Түбән Аты төп гомуми белем мәктәбе» муниципаль бюджет гомуми белем учреждениесенең «Урта Сәрдә башлангыч гомуми белем мәктәбе» филиалы укучыларына  авыл   китапханәсе белэн берлектэ мәдәни көндэлек  тапшырылды. Укучылар белән әкият иленә сәяхәт үткәрелде.

Тормыш иминлеге нигезләре укытучысы  Хакимҗанов  Р.Р. 8 ,  9 нчы классларга тимер юлда куркынычсызлык кагыйдәләре турында сөйләде.  Шулай ук шушы темага карата мәктәп китапханәсендә китап күргәзмәсе дә оештырылды.

Башлангыч класс укучылары белән тимер юлларда куркынычсызлык кагыйдәләре   темасына  тәрбия дәресе үткәрелде. Давлиева А.Р. укучыларны тимер юлларда  үтәлергә тиешле кагыйдәләр белән таныштырды.

Бүген 5 нче сыйныф укучылары  алтын көз күренешләре белән хозурлану өчен көзге экскурсиягә чыктылар.Төрле төскә кергән агач яфракларын күзәттеләр,көзге авыл күренешен фотога төшерделәр.Табигать матурлыгын  альбомга  төшерергә планлаштырып,шат күңел белән өйләргә таралдылар.