Мәктәптә укучыларны  танылган  якташларыбыз белән таныштыру максатыннан очрашу үтте. Әлеге чара уңаеннан “Без тарихта эзлебез” дип исемләнгән күргәзмә оештырылды.

       Татар теле, әдәбияты укытучысы Маликова Г.Г. Урта Аты авылында туып үскән, танылган

журналист  Абдуллин Мөнир ага белән таныштырылды. Авыл китапханәчесе Җәләева Р.М. танылган артистка Зөләйха Богданова турында сөйләде Ул 1886 нчы елда Әрнәш авылында дөньяга килгән. Хәмидуллина З.Я. чыгышы белән Кылачы авылыннан булган Габдрахманов Наил Газиз улы турында мәгълүмат бирде. Чарага мәктәбебезнең элеккеге директоры Хәбибуллин И.Х. та чакырылган иде. Ул да Мөнир аганың иҗади эшчәнлеге, аерым алганда Түбән Аты , Урта Аты авылларының тарихы сурәтләнгән китап турында сөйләде.

      Җыеп әйткәндә , әлеге кичәдә укучылар өчен гаять файдалы булды. Туган ягыбыз, аның данлыклы шәхесләренә карата ихтирам хисе тәрбияләү буенча эш әле киләчәктә дә дәвам итәр дигән ныклы ышаныч белән таралыштык.

Бүген физика, информатика, математика атналыгы кысаларында Шәмсетдинова Ф.Ф. 5-9 класс укучылары арасында “Интернетта – куркынычсызлык кагыйдәләре” дигән уен- квест үткәрде. Укучылар җирәбә ярдәмендә ике командага бүленеп, маршрут буенча төрле биремнәр үтәделәр. Квест ахырында нәтиҗә ясалды.  

27нче ноябрь көнне Арча район мәктәпләре арасында “Көзге фьюжн - 2019” бию бәйгесе булып узды. 29 команда арасыннан уңышлы чыгыш ясап, “Иң сыгылмалы бию” номинациясенә лаек булдылар. Укучыларыбызга алдагы конкурсларда да уңышлар теләп калабыз!

Мәктәбебездә Әниләр көне уңаеннан бәйрәм кичәсе үткәрелде.Башлангыч сыйныф укучылары Кадыйрова Л.Ф.җитәкчелегендә матур чыгыш ясадылар.5-9 нчы сыйныф укучыларының концерт  номерлары әниләр командалары арасындагы ярыш белән аралашып барды.Күңелле бәйгеләр әниләргә дә,балаларга да, укытучыларга да бик ошады.Әниләр балаларыннан матур чәчәкләр кабул иттеләр, изге теләкләрен әйттеләр.

23 ноябрь  районның барлык оешмалары, уку йортлары көзге өмәдә катнашты. Безнең мәктәп коллективы да әлеге чарадан читтә калмады. Мәктәп тирәсе, тәҗрибә участогы, юл буйлары, чишмэ тирэлэре чүптән арындырылды.

Кукмара шәһәрендә  20 нче ноябрь көнне Халыкара “Җәлил укулары” бәйгесенең зона этабы үтте. Конкурста Алабуга, Менделеевск, Мамадыш, Саба, Әтнә, Балтач, Теләче, Арча, Кукмара районнарыннан 130 дан артык нәфис сүз остасы чыгыш ясады. Конкурсантлар татар, рус, инглиз телләрендә бөек язучының һәм башка фронтовик шагыйрьләрнең әсәрләрен сөйләделәр. Бәйгенең зона этабында җиңү яулаучылар башкалабыз Казан шәһәрендә үтәчәк финал ярышына барачаклар.

         Биредә безнең мәктәп укучысы да үзен сынап карады.   Шәмсиев И. зона турында Муса Җәлилнен “Син булмагач” шигырен инглиз телендә яңгыратып, уңышлы чыгыш ясады. Әлеге укучыга алга таба да уңышлар телибез.

18 нче ноябрь көнне  Арча мәдәният йортында II  Халыкара  “Җәлил укулары” әдәби бәйгесенең район этабы булып узды. Бу конкурста безнең мәктәп укучылары да читтә калмады.  Шәмсиев И.,  Кәримов Ф.  Герой – шагыйрь  М.Җәлилнең шигырьләрен  сөйләделәр.

18 ноября, в рамках Всероссийской акции «Урок цифры», было проведено занятие на тему «Большие данные». На уроке учащиеся 7-9 классов познакомились с понятием «большие данные» и узнали откуда они появляются, как их анализируют и для чего используют, а также познакомились с новыми профессиями в области больших данных. Организовав "Урок цифры", мы надеемся, что смогли повысить интерес детей к изучению основ программирования, и задать верные ориентиры развития в условиях перехода к цифровой экономике.

Башлангыч класс укучылары белән Бөтендөнья юл фаҗигасендә һәлак булучыларны искә алу көне уңаеннан юлда йөрү кагыйдәләрен искәртү буенча тәрбия сәгате үткәрелде.