21 нче февраль - Халыкара Туган тел көне. Шул уңайдан мәктәбебездә “Туган телеңне өйрән һәм ярат” исемле класстан тыш чара үткәрелде. Чараның максаты – ана телебезгә, туган телгә мәхәббәт тәрбияләү, телебезне сакларга һәм якларга кирәклеген  төшендерү, туган телнең матурлыгын тоярга өйрәтү. Бәйрәм барышында  татар, рус, инглиз  телләрендә матур шигырьләр яңгырады, кичәнең икенче өлешендә викторина үткәрелде. Укучыларыбыз чарада бик актив катнаштылар.

20 нче февраль көнне Арча шәһәренең 5 нче гимназиясендә Татарстан Республикасы Арча муниципаль районы мәгариф идарәсе планы нигезендә һәм “2014-2021 нче елларга Татарстан Республикасы дәүләт телләрен һәм Татарстан Республикасында башка телләрне саклау,өйрәнү һәм үстерү” дәүләт программасын, концепциясен  тормышка ашыру максатыннан, 21 нче февраль- Халыкара туган тел көне уңаеннан, “Туган телеңне өйрән һәм ярат” шигырь укучылар бәйгесе уздырылды.

   Шигырь уку бәйгесендә төп һәм гомуми белем оешмаларының туган тел һәм әдәбият укытучылары катнашты. Чарада алар башкаруында танылган татар шагыйрьләренең туган тел, туган якка багышланган шигъри  әсәрләре яңгырады. Әлеге бәйгедә мәктәбебездән туган тел, әдәбият укытучысы Хәмидуллин Данис Мәхмүт улы катнашты. Ул шагыйрә Лена Шагыйрьҗанның “Туган телгә мәдхия” әсәрен укыды. Нәтиҗәдә 2 нче урынга лаек булды, Диплом белән бүләкләнде.Котлыйбыз!.

  5-7 нче сыйныфларда үткәрелгән чираттагы класс сәгате балалар матбугатына күзәтү формасында оештырылды. Укучылар игътибарына “Көмеш кыңгырау” газетасы һәм “Сабантуй” журналы материаллары тәкъдим ителде. Әлеге басмаларга укучыларның әти-әниләре язылдылар, балалар исә газета-журнал материалларын яратып укыйлар. Укучыларга аеруча шигырьләр, хикәяләр,файдалы киңәшләр ошый. Укытучы исә туган телебездә басылган газета-журналларның телебезне баетуга, әдәп-әхлак кагыйдәләрен үзләштерергә һәм, әлбәттә, төрле өлкәләр буенча мәгълүматлы булуда файдалы чыганак икәнлеген төшендерергә тырышты. Сыйныфыбыз почмагындагы махсус “кесә”гә “Арча хәбәрләре”ндәге кайбер язмаларны салабыз: башкалар да танышсыннар.

   Хәзерге басмалар укучыларны җәлеп итә, төсле, материаллар зәвык белән бизәлеп бирелә. Укучыларга мөхәррир,тираж, журналист төшенчәләре аңлатылды.Балалар яшьтәшләре иҗат иткән әсәрләрне үзләре дә укып күрсәттеләр. Йосыпова Дилә ризык пешерү рецептлары белән кызыксына, бу басмалар аңа шул яктан файдалы һәм кызыклы. Ул  “Тылсымлы куллар “ журналын да яратып укый. Дәрес азагында милли матбугатыбызның бүгенге хәле турында да сүз булды. Вакытлы матбугатка язылу, аны уку -туган телебезне, милләтебезне саклауга үзебездән өлеш кертү ул.Әлеге фикер белән укучылар да килеште.

Хәрби-патриотик айлык кысаларында мәктәбебездә “Ватанны саклаучыларга- котлау открыткасы” темасына рәсем конкурсы оештырылды. Әлеге идеяне барлык укучылар да бердәм күтәреп алдылар. Соңыннан балаларның иҗат җимешләре күргәзмз-стендта урын алачак.Аерым эшләр бүгенге көндә Россия армиясендә хезмәт итүче авылдашларыбызга җибәреләчәк.

    Әлеге чара рәсем сәнгатен үз иткән балаларга сәләтләрен, осталыкларын күрсәтү өчен менә дигән мөмкинлек. Укучы балаларга әти-әниләре дә  ярдәм итәргә алындылар. Ватанны саклау чылар көненә багышлап уздырылган әлеге конкурска айлык тәмамланганнан соң йомгак ясалачак.

    15 февраль – Советлар Союзы Герое, атаклы татар совет шагыйре Муса Җәлилнең туган көне. Шул уңайдан мэктәптә шигырь бәйрәме үткәрелде. Башлангыч класс укучылары шагыйрьнең балалар өчен язылган шигырьләрен сөйләделәр, җырларын җырладылар. Югары класс укучылары “Моабит дәфтәре” нә кергән шигырьләренә тукталдылар. Кичә “Салют сиңа, Муса Җәлил” җыры белән тәмамланды.

МБГБУ “Түбән Аты төп гомуми белем мәктәбе”ндә 2018 нче уку елында мәктәп администрациясе белән Профсоюз комитеты арасында 2017-2019 нчы елларга төзелгән “Коллектив килешү”нең үтәлешен тикшердек, карар кабул иттек.

Афганистан җирендә хезмәт итеп, бүгенгесе көндә исән-сау туган якларына кайткан якташларыбызны мәктәбебезгә " Язмыштан без җиңел юл өмет итмәдек.    "- дип исемләнгән кичәгә чакырдык. Мероприятиедә 1-9 класс укучылары эчтәлекле чыгыш ясадылар. Килгән кунагыбызда  да мавыктыргыч итеп үзенең  чыгышында да  егетләребезгә киңәшләрен җиткерде.

14 февраля  провели  « Урок Универсиады». Целью данной акции является актуализация информации и  Зимней  универсиады 2019, в том числе расширение представления школьников  и зимних видах спортивных соревнований и формирования привычки к активному образу жизни, которые впоследствии  окажут положительное влияние на здоровье молодого поколения.

В рамках Недели начальных классов сегодня в школе проводилось мероприятие, посвященное 250-летию со дня рождения известного баснописца И.А.Крылова. Ученики начальных классов инсценировали басни Крылова, а учителя начальных классов провели викторину по басням знаменитого баснописца. А потом решали кроссворд по творчестве Крылова, составленный учеником 4 класса Шамсетдиновым И..Меропритятие прошло интересно.

Әфган сугышы, аның асылы белән тирәнтенрәк таныштыру, Әфганстанда хәрби хезмәттә булган авылдашларыбызга карата хөрмәт хисләре тәрбияләү максатыннан мәктәбебездә 5.8,9 нчы класс укучылары катнашында “Әфганстан-йөрәк ярам” дигән темага бердәм класс сәгате үтте.Аны класс җитәкчесе Хәмидуллин Д.М.оештырды. Чара хәрби-патриотик айлык уңаеннан төзелгән эш планына кертелгән.

   Укучылар игътибарына Әфганстандагы хәрби хәрәкәтләрнең алшартлары, шулай ук Әфганстанда хезмәт итеп кайткан авылдашларыбыз турында мәгълүмат бирелде, видеофильм күрсәтелде.

   Әлеге сугыш бик күп гаиләләргә кайгы-хәсрәт китерде, меңләгән яшь егетләрнең гомерләрен алды.1988 нче елның 15 нче маенда совет гаскәрләре сугыштан чыгарыла башлый.1989 нчы елның 15 нче февралендә соңгы совет солдаты Әфганстан чиген атлап чыга.Димәк, әлеге вакыйгага быел-30 ел. Әлеге сугышта Татарстаннан 10000 кеше катнашкан, 263 кеше һәлак булган, 500дән артыгы туган җиренә кайткач үлгән.

    Әфганстанда хезмәт иткәннәрнең күңелләре, йөрәкләре яралы.Алар шул сугышны бүген дә төшләрендә күрә. Аларның хәтерендә бүген дә меңәрләгән автомашиналар яна, дуслары, полкташлары һәлак була.

Якын көннәрдә мәктәбебезне тәмамлап хәрби хәрәкәтләрдә катнашкан авылдашларыбыз хөрмәтенә истәлек тактасы урнаштыру күздә тотыла. Әлеге сугышны, сугыш корбаннарын онытырга хакыбыз юк

     15 нче февраль- интернационалист сугышчыларны искә алу көне. Һәлак булган, контузия, җәрәхәт, авырулардан үлгән, хәбәрсез югалган меңләгән сугышчыларның исемнәре хәтердән беркайчан да җуелмас.