Елның сихри фасылында, көн белән төн тигезләшкән мәлдә, татар халкы "Сөмбелә" бәйрәмен үткәргән. Сөмбелә - көзге байлыкка, муллыкка багышланган бәйрәм. Сөмбелә ул - "башак" дигән сүз. Җитен чәчле, зәңгәр күзле, зифа буйлы, сүзгә тапкыр, эшкә уңган кызны да "Сөмбелә" дигәннәр. Бу бәйрәмдә элек-электән уен-көлке, җыр-бию тынмаган; мәкаль-әйтем, табышмаклар әйтешкәннәр.
Кичә безнең балалар бакчасында да "Көз бәйрәме" дип исемләнгән бәйрәм чарасы үткәрелде. Балалар бу көнгә бик ныклап әзерләнеп килде. Алар Сөмбеләгә багышлап шигырьләр, җырлар башкардылар, матур биюләр биеделәр. Бергәләп табышмакларга җаваплар эзләделәр, кызыклы уеннар уйнадылар. Бәйрәм бик эчтәлекле һәм күңелле булды.