11 февраль көнне Хәсәншәех мәдәният йортында "Батырлык дәресе" үтте. Чараны оештыручылар 1 - 4 сыйныф укучылары һәм аларның укытучылары. Кунак буларак башлангыч сыйныф укучыларының әтиләре чакырылган иде. Балалар бик матур, эчтәлекле концерт күрсәттеләр. Ә әтиләр "Башваткыч" уенында көч сынашты. Чара бик матур булды, барыгызга да зур рәхмәт!

Бүген  Арча шәһәрендә "Парклар һәм скверлар елы"на багышланган КВН ярышларының финал уеннары  узды. Анда зона ярышларында җиңеп чыккак иң көчле 6 команда катнашты. Безнең мәктәпнең "Авария" командасы барлык көндәшләрен дә артта калдырып Гран-прига лаек булды.  Молодцы!! Котлыйбыз!!!

Патриотик айлык барышында укучыларыбыз төрле чараларга актив әзерлек алып баралар. Алда КВН һәм "Аҗаган".

7 февраль халыкара спорт көне. Шушы уңайдан бу көнне укучылар белән күмәк тау шуулар, хоккей уеннары үтте.

Бүген патриотик айлык кысаларында 5-9 класс укучылары арасында чаңгы ярышлары булып узды. Укучылар ярышка теләа катнаштылар. Ярыш нәтиҗәләре белән алдагы көннәрдә таныштырырбыз.

1-4 класс укучылары  арасында чаңгыда узышу буенча ярышлар узды. Ярышлар 1-2 класслар, 3-4  класслар арасында үткәрелде. Ярышларда  барлык укучылар да катнашты.

Бүген авыл китапханәчесе Хабирова Г. катнашында башлангыч класс укучылары өчен парламент дәресләре үтте.

8 нче класс җитәкчесе Салахова Г.М. "Гражданин.Җәмгыять.Дәүләт" дигән темага парламент дәресе үткәрде.

Бүген Хәсәншәех бозында Арча хоккей лигасы ярышлары булды. Хәсәншәех, Апаз, Шушмабаш хоккей командалары көч сынашты. Хәсәншәех командасының чираттагы  җиңү яулаганын авыл халкы рәхәтләнеп күзәтте.

Хәсәншәех төп гомуми белем мәктәбендә төрле түгәрәкләр эшләп килә. Аларның иҗат отчетлары ел дәвамында төрле формаларда үткәрелә. Менә бүген авыл мәдәният йортында "Сәхнә нигезләре" түгәрәгенә йөрүче укучылар (җитәкчесе Гозәерова Л.Г.) катнашында "Аулак өй" фольклор кичәсе үткәрелде. Укучылар да, тамашачылар да бәйрәм рухында күңелле ял итте.