Сегодня 17 мая 2016 года, в Международный  день детского телефона доверия, стартовал новый этап компании по продвижению единого общероссийского детского телефона доверия 8-800-2000-122 среди детей и подростков. Фонд поддержки детей проводил общероссийский марафон "Скажи о чем молчишь". Его цель - повышение узнаваемости детского телефона доверия. В течении нескольких часов велась трансляция из московской студии, где сменяли друг друга представители Фонда поддержки детей, психологи, популярные артисты, музыканты и спортсмены.

Шимбә көнне Хәсәншәех ФАП җитәкчесе Рәмзия Мансуровна укучылар алдында "Нәрсә ул диабет?" дигән темага чыгыш ясады.

Бакчада эшләр дәвам итә.

Бүген классларда балалар ышаныч телефоны турында әңгәмәләр үтте. Укучыларга ышыныч телефоннарына кайсы очракта шалтыратырга мөмкин икәнлеге аңлатылды.

11 май көнне 4 класс укучылары Бөтенроссия күләмендә үткәрелгән тикшерү эшләрендә катнаша башлады. Бүген ул рус теленнән грамматик биремле диктант. Укучыларга уңышлар телибез!

Уку һәм эш чиратлашып бара. Бүген дә бакчада язгы эшләр дәвам итә. Укучылар-укытучылар технология дәресләрендә  бакчада җир казыйлар, тырмалыйлар, үсемлекләргә су сибәләр.

Башлангыч сыйныф укучыларын Варисларга кабул итү мәктәбебез традициясе буенча 9 Майга багышланган Митингка үрелеп китте. Укучылар бу дулкынландыргыч минутларны һәрвакыт истә тоталар. Алар өлкәннәр алдында тантаналы вәгъдә бирделәр: тырышып укырга, тәрбияле булырга, бу тормышта чын кешеләр булырга. Республикабыз флагын хәтерләткән галстук укучылар йөзенә нур өстенә нур өстәде.

"Үлемсез полк" акциясе узган ел башланып китте. Бу акция һәр кешегә үз гаилә архивын тагын бер кат барларга, Бөек Ватан сугышында катнашучылар турындагы информацияне тулыландырырга мөмкинлек бирде. Безнең мәктәп тә акция кысаларында авылыбыз батырлары турында яңадан истәлекләр җыйды, аларның фотоларын митингка алып чыктык.

Быел Бөек Җиңүнең 71 еллыгын билгеләп үтәбез. Һәр елдагыча авылыбыз уртасына урнашкан гүзәл Җиңү паркына митингка җыелдык, өлкәннәр дә, яшьләр дә бүген бер рухта, барыбыз да батырлар алдында баш иябез, аларны бер минут тынлык белән хөрмәтлибез.  Бу көнне аеруча дулкынландыргыч чыгышлар, һәркемнең күзендә яшь тамчылары. Әби- бабаларыбызны искә алабыз, бүгенге матур тыныч тормышыбызга дан җырлыйбыз. Күкләребез аяз, дөньялар тыныч булсын!

Бүген укытучыларыбыз һәм укучыларыбыз Бөек Җиңүнең 71 еллыгын каршылауга әзерлекне дәвам иттеләр: алар һәйкәлләргә салу өчен веноклар әзерләделәр, ә СМС балалар отряды членнары сугыш һәм тыл ветераннарын котладылар һәм аларны тантаналы митингка чакырдылар.