Бүген безнең бакчабызда балалар һәм әниләр катнашында бик матур бәйрәм кичәсе булып узды.Әниләрнең йөрәк җылысы,балаларның самими чыгышлары күңелләргә әйтеп бетергесез рәхәтлек бирде.Кадерле әниләребез,рәхмәт сезгә безгә булган игътибарыгыз,җылы мөнәсәбәтегез өчен.Күкләребез аяз,илләребез имин,балаларыбызның киләчәге якты булсын!Әти-әни тигезлегендә сау-сәламәт булып уссеннәр!Ә әниләргә хатын-кыз бәхете телибез!

Бүген безнең балалар бакчасында гражданнар оборонасы көненә багышланган чаралар узды. Балалар уен формасында һәм аңлаешлы формада гражданнар оборонасының мөһим бурычлары белән таныштылар һәм төрле гадәттән тыш хәлләрдә дөрес эш итәргә өйрәнделәр. Без балаларның гына түгел, өлкәннәрнең дә табигый һәм техноген характердагы гадәттән тыш хәлләр яки алардан килгән зыяннар очрагында үз-үзләрен яклауга әзерлек дәрәҗәсен арттырырга омтылабыз. Куркынычсызлыкның төп кагыйдәләрен белү һәм ашыгыч хәлләрдә ориентлаша белү — сәламәтлекне һәм гомерне саклап калырга ярдәм итә торган мөһим күнекмәләр белән таныштырабыз. Шөгыльләрдә балалар: Гражданнар оборонасы сигналлары һәм алар буенча гамәлләр турында ; төрле куркынычлар килеп чыккан очракта үз-үзеңне тоту кагыйдәләре турында; куркынычсызлык чараларын үтәү кирәклеге турында белделәр.