Мәктәбебезне тәмамлап чыгып, хәзерге вакытта төрле уку йортларында белем алучы студентлар белән орашу кичәсе булды. Алар үзләре укыган уку йортлары турында сөйләделәр, укучыларга киңәшләрен бирделәр.

Китапханәдә рус язучысы А. П. Чеховның тууына 155 ел тулуга багышланган китап күргәзмәсе ясалды. Укучылар аның тормыш юлы, әсәрләре белән таныштылар.

Кәче авыл җирлегендә отчёт- сайлау җыелышы булды. Анда район башкарма комитеты җитәкчесе Нуриев Илшат Габделфәрт улы да катнашты. Ул  мәктәбебезнең эшчәнлеге белән дә танышып китте.

Отчёт- сайлау җыелышыннан соң Кәче авылы мәдәният йөртында мәктәп укучылары һәм авыл үзешчәннәре катнашында концерт булды.

Бүген мәктәптә хоккей ярышы үтте. Укытучылар командасына каршы 8 нче сыйныф укучылары уйнады.

Мәктәп янында кар тавы ясалды. Укучылар дәрестән соң һәм озынайтылган көн группасына йөрүче укучылар анда шуарга яраталар.

Бөек Җиңүнең 70 еллыгына багышланган китап күргәзмәсе ясалды. Анда Бөек Ватан сугышы ветераннары, сугышта һәлак булган авылдашлар турында мәгълүматлар урнаштырылды, папкалар ясалды.

Бөек Җиңүнең 70 еллыгына багышланган стенд тулыландырылды.

Татар теле укытучылары туган тел дәресе үткәрделәр. Укучылар түгәрәк өстәл артында туган телгә кагылышлы сорауларга җавап таптылар, табышмакларга җаваплар бирделәр, яңа китаплар белән таныштылар.

Мәктәп яны шугалагында укучыларыбыз дәресләрдән соң һәм кич белән рәхәтләнеп ял итәләр. Шугалак тирәсе шау- гөр килеп тора.