26 нчы май көнне 6-7 нче сыйныф укучылары класс җитәкчеләре белән берлектә табигать кочагында булдылар. Рәхәтләнеп уйнап, күңел ачып, ял иттеләр.

25нче май көнне башлангыч класс укучылары Арча шәһәренә экскурсиягә бардылар. “Казан арты” музеенда районыбыз тарихы, халкыбызның үткәне турында бик кызыклы мәгълүматлар белән таныштылар. Сәнгать музеенда районнан чыккан күренекле кешеләрнең тормыш юлы һәм иҗаты турында өйрәнделәр. Экскурсия бик файдалы һәм күңелле үтте.  

Чыгарылыш сыйныф укучылары өчен дәрескә чакыручы кыңгырау соңгы тапкыр чыңлый. Мәктәптә үткән балачагыгызның бүтән беркайчан да кире кайтмавын уйлагач, ямансу булып китә.Тормышта һәр нәрсәнең үз вакыты була. Сезнең дә язмышыгызда зур борылышлар чоры җитте. Яшьлекнең чын-чынлап башланган иң матур чагы да әле ул. Шуның кадерен белегез һәм алда көткән зур тормышны матур итеп башларга тырышыгыз! Канатлы теләкләрегез сезне һәрчак алга әйдәп торсын, тагын да кыюрак атларгачакырсын!
Хәерле  юл!

Хәерле юл сезгә, укучылар!

Максатларга барып җитегез!

Ашкынганда гомер юлларыннан

    Бәйрәм нәтиҗә ясау,  җиңүчеләрне билгеләү ,бүләкләр тапшыру белән тәмамлана.  

17 нче май көнне Арча шәһәрендә мәгариф оешмаларының профсоюз членнары арасында Бөек Җиңүнең 73 еллыгына багышланган җиңел атлетика ярышлары булып узды. Бу чарада безнең мәктәп укытучылары да актив катнашты.

“Агачларны сындырма – кулың корыр”, – дигән сүзләргә никадәр мәгънә салынган. Тирә - юнебезгә яшеллек бирүче, сулар һавабызны чистартучы урманнарны саклау, агачлар утырту барыбызның да уртак бурычы. Һәркем үзе яшәгән җирне матурларга, сакларга тиеш. Мәктәбебездә  “1 нче һәм 11 нче сыйныф укучылары аллеясе” булдыру матур гадәткә әйләнде.Бүген алар да тирә - юнебезне яшелләндерүгә өлеш керттеләр. Үсентеләр бала кебек сизгер. Аны изге теләк белән, ихлас күңелдән утыртсак – һичшиксез үсеп китәчәк!  Берәүләр җир казый, икенчеләре үсентеләр китереп тора, өченчеләре аларны изге теләкләрен тели-тели утырта. Хәзер аларны кадерләп, саклап үстерергә генә кирәк.