9 декабрь көнне Яңа Әлем төп гомуми белем бирү мәктәбендә “Федераль дәүләт белем бирү стандартлары нигезендә башлангыч сыйныфларны укытуда эшчәнлекле юнәлешне оештыру” темасы буенча башлангыч сыйныф укытучыларының район семинары үтте. Безнең мәктәптән дә башлангыч сыйныф укытучылары катнашты.

10 декабрь көнне мәктәп күләмендә " Час кода-2015" дәресе үткәрелде. Укучылар программаларның иң гади төшенчәләре белән таныштылар.  Дәресне, 9 нчы класс җитәкчесе  З.А. Зигангирова үткәрде.

9 декабрь көнне укучылар һәм укытучылар командасы арасында  волейбол ярышы узды. Мөгаллимнәребез кызлар командасына җиңелсә, егетләр командасын җиңүгә иреште. Расих Рафис улы   командаларга рәхмәтләрен җиткерде. Алда оештырылачак ярышларда да актив булырга чакырды.

9 декабрь көнне география укытучысы Сибатова Рәзилә Ринас кызы 5,7,8 сыйныф укучылары белән "Музейларга сәяхәт" исемле чара уздырды. Ул үз чарасында мәктәп музее, районыбыздан "Туган як музее", Чиләбе өлкәсендә урнашкан "Ильмень минерология" музейларыннан төшереп алып кайткан материаллардан төзелгән презентацияләр күрсәтте, кызыклы материаллар белән таныштырды. Чара мавыктыргыч,кызыклы узды.

6 сыйныф укучысы Рахматуллин Азамат I Бөтенрәсәй "Акыллы һәм талантлы" исемле конкурсында "Әдәби сәнгать" номинациясендә "Телефон" шигыре белән икенче урын яулады. Укытучысы Зигангирова З.А.

5 декабрь көнне Югары Яхшый егетләр командасы баскетбол ярышында 3 урын яулап кайттылар. Аларга алдагы ярышларда да җиңүләр телибез! Җитәкчесе Шайхуллин Расих Рафис улы.

Бу атнада ике атналык бергә үрелеп барды. Методик атналыгы һәм физкультура атналыгы. Укытучылар бер берләренә кереп дәресләр тыңладылар һәм анализ, үзанализлар ясадылар.Төрле технология белән таныштылар һәм аларны өйрәнделәр.

Физкультура атналыгы дәвам итә. 8 декабрь конне ату ярышы булды. Ярышта барысы да бик теләп катнашты.

«Туган телем- шагыйрьләр теле» III Республика фәнни- эзләнү конференциясендә  7нче сыйныф укучылары Хурматуллина Айзилә һәм Солтанова Инзилә уңышлы  чыгыш ясап Диплом алып кайттылар. Җитәкчеләре Набиева Г.Ф., Зигангирова З.А.

1-10 декабрь инвалидлар декадасы дип игълан ителгән иде. Шул уңайдан мәктәптә төрле чаралар үтә, тәрбия эшләре буенча директор урынбасары Г.Ф. Набиева гомуми класс сәгате уздырды. Һәләкәткә дучар булган, инвалид коляскасына утырган мөмкинлекләре чикләнгән көчле-рухлы кешеләр турында сүз алып барылды.Г.Ф.Набиева класс сәгатендә паралимпиа уеннары турында видиоязма күрсәтте.