19 декабрь көнне Актанышның  “Бүләк” чаңгы тарссасында  кышкы спорт төрләрен ачу тантанасы булып узды.  Ярышларда Актаныш районы мәктәпләреннән барлыгы төрле яшь категорияләрендә 160 укучы катнашты.Безнең мәктәбебездән дә укучылар бик актив булды.

Мәктәптә һәм мәдәният йорты каршында укучылар һәм укытучылар кар сыннары ясыйлар.

Мәктәптә 2015-2016 уку елының 1 яртыеллыгында алган белемнәрне бәяләү максатыннан язма эшләр алына.Укучыларга игътибарлылык һәм зур уңышлар телибез.

2015 елның 16 декабрендә Казан шәһәрендә яшьләр Форумы узды. Форум - мәгариф өлкәсендә эшләүче яшьләрнең инициативасын яклау һәм һөнәри үсешләренә ярдәм итү мәйданы булып та тора. Форум кысаларында Татарстан Республикасының яшь педагоглары Берләшмәсен оештыру планлаштырылды. Әлеге Форумда Югары Яхшый мәктәбеннән яшь укытучы З.И.Нуриахметова да катнашты.

Физкультура атналыгы дәвам итә. Шул уңайдан,10 декабрь көнне Югары Яхшый мәктәбенең педагогик коллективы чаңгы ярышына чыкты. Бу юлы җанатарлар - укучылар булды. Һәрберсе үзенең җитәкчесе җиңүен теләде.Оештыручы- физкультура укытучысы Расих Рафис улы Шайхуллин.

Педагогик коллективның атналык планлаштыру утырышы узды. Мәктәп директоры Л.Ф.Хабирова узган атнада эшләгән эшләргә анализ ясады. Киләсе атнага эш планлаштырылды.

Мәктәптә " Геройлар көне " - истәлекле датага багышланган сыйныф сәгатьләре үткәрелде.Мондый бәйрәм өчен 9 декабрь очраклы гына сайланмаган. Екатерина II нәкъ менә бу көнне 1769 елда яңа бүләкне раслый. Ул Изге Георгий ордены була. Аның белән аерым батырлык күрсәткән сугышчылар бүләкләнгән. Илебездә бу көнне Георгий ордены кавалерларын хөрмәтлиләр. Россиядә бу көнне чын батырларны искә алып, алар турында хәтер яңарталар.

Инвалидлар ункөнлеге уңаеннан мәктәп укучылары  уенчыклар ясадылар һәм аларны мөмкинлекләре чикләнгән балаларга бүләк итү өчен, районның Балалар иҗат үзәгенә тапшырдылар.

8 декабрь көнне Актанышның район мәдәният йортында район Башлыгы призына район биючеләр бәйгесенең финал этабы узды. Безнең мәктәпнең укытучылар коллективы да уңышлы гына чыгыш ясап кайтты.

Безнең мәктәп макулатура җыюда актив катнаша. Кире эшкәртелгән 60 кг кәгазь бер агачны коткара.