Шәрифуллин Ильяс (4нче сыйныф, укытучысы Нәбиуллина Д.Ф.), Солтанова Нәзилә (3нче сыйныф, укытучысы Шайхуллина С.Р.) Укучылар “Үзем сайлаган язмыш”номинациясендә фәнни эш эшләделәр.

29 нчы март көнне 9 нчы класс укучылары Мәгариф бүлеге приказы нигезендә рус теле фәненнән биреп карау имтиханында катнаштылар. Укытучылары: Бадретдинова Л.Г.

28 нче март  көнне Мәгариф бүлеге приказы нигезендә, 9  нчы класс укучылары  математика фәненнән биреп карау имтиханында катнаштылар. Укытучылары: Якиева Г.

30 март көнне мәктәбебездә 4 чирек башланып китте. Укучыларыбыз  яллардан соң тырышып  уку теләге белән  килделәр. Укытучылар коллективы укучыларыбызга әлеге чиректә уңышлар, чыгарылыш класс укучыларына түземлек һәм тырышлык теләп калдылар

22 март көнне 9 класс укучыларының  ата-аналары җыелышы үтте.Җыелышны класс җитәкчесе , завуч, мәктәп директоры, , фән укытучылары оештырды.Җыелышта ОГЭга әзерлек турында,консультацияләргә йөрү турында сүз барды.

Каникуллар булуга да карамастан, чыгарылыш сыйныф укучылары  дәүләт имтиханнарына әзерлекне дәвам итәләр. 

16 март көнне районда Габдулла Тукай иҗатына багышлап  үткәрелгән “Тукай замандашлары” исемле шигырь  укучылар бәйгесе узды. Безнең мәктәптән 7 сыйныф укучысы Хурматуллина Айзилә уңышлы чыгыш ясады.

3 чирекне дә укып бетереп,классларда класс сәгатьләре үткәрелде. Куркынычсызлык кагыйдәләре буенча инструктаж үткәреп, имзалар алынды.

16 нчы март көнне Актанышта укучылар арасында шахмат ярышы үтте.Безнең мәктәптән физкультура укытучысы  җитәкчелегендә Ахатов Гадел  һәм Шәрифуллин Нәфис катнашты. 

18 март көнне Яңа Әлем мәктәбендә Республикакүләм “Шәп әйдаман” бәйгесенең район туры үткәрелде. 7 нче сыйныф укучысы Зиннатуллина Назлыгуль уңышлы чыгыш ясап, "Иң мөлаем әйдаман" номинациясендә җиңүче булды. Киләчәктә зур уңышларга ирешүен телибез.