Бүген тарих-география атналыгы кысаларында укучылар "Татарстан хәзинәләре" һәм Актаныш төбәге турында документаль фильм карадылар. Укытучы:Тазиев Х. Х.

Табигать яшәрә. Аның белән бергә паразитлар да активлаша. Аларның күбесе кешегә зур зыян сала. Шундый куркыныч бөҗәкләрнең берсе - урман бете. Талпан энцефалиты дип аталучы, үзәк нерв системасын зарарлаучы куркыныч авыруны нәкъ менә шул талпан китереп чыгара да инде. Яз житүгә, барыбыз да урман-болыннар кочагына ашыгабыз. Табигать үзенең матурлыгы белән җәлеп итсә дә, саклану чаралары турында да онытырга ярамый. Чөнки бу чорда урманнарда талпан аеруча күп була. Урман талпаны язгы-җәйге талпан энцефалитын китереп чыгара. Бу инфекция - кешегә вирус эләгү нәтиҗәсендә барлыкка килүче, арка һәм баш миен зарарлаучы авыру. Ул гадәттә язын яки җәй көне, сирәк кенә көз көне очрый. Талпаннар апрель ахырында, май, июнь айларында аеруча агрессив булалар. Язгы-җәйге энцефалитны йоктыру урыннары булып яфраклы агачлар үсүче карт урманнар тора. Якты урманнарда, коры наратлыкларда, гадәттә, талпан булмый.

Табигать фәннәре атналыгы кысаларында бүген укытучы Ханнанова Р.Р. мәктәп куләмендә "Кошлар-безнең дусларыбыз " дип аталган ачык чара үткәрде. Кичәдә “Бөркетләр” һәм “Карчыгалар” командалары көч сынашты. Кошлар турында иң күп белүчеләр - “Бөркетләр” җиңү яулады. Катнашучыларга истәлек бүләкләре тапшырылды.

Тарих атналыгы кысаларында бүген укытучы Гыйбадуллина З.М. 3нче группа укучылары белән "Без тарихта эзлебез" дип аталган тематик кичә үткәрде. Кичә барышында укучылар халкыбызның гореф-гадәтләре, милли бәйрәмнәре, йолалары турында эчтәлекле презентация аша күп мәгълүмат алдылар, командаларда белемнәрен сынап карадылар. Кичәнең тәрбияви әһәмияте дә зур булды. Сегодня в рамках Недели истории учитель Гибадуллина 3. М. провела с учащимися 3-й группы тематический вечер " По следам истории​ ​ ". В ходе вечера учащиеся получили много информации о традициях, национальных праздниках, обычаях нашего народа через содержательные презентации, проверили свои знания в командах. Вечер имел большое воспитательное значение.

10-17 апрель көннәрендә үтәчәк тарих, биология, география фәннәре атналыгына старт бирелде. Атналыкта фәннәр буенча кызыклы чаралар, мавыктыргыч биремнәр, тематик кичәләр, бәйгеләр үткәрү күздә тотыла.

Бүген – 10 апрель көнне, мәктәбебездә “Разговоры о важном – Мөһим темага сөйләшү” сыйныф дәресләре Космонавтика көненә багышланды. Класс сәгате барлык сыйныфларда да “Космонавтика көне. Без беренче!» дип аталды. Балалар танылган космонавтлар, Кояш системасы, заманча ачышлар, космоста эшләүнең кыенлыклары һәм Россиянең оборона сәләте, иминлек һәм халыкара хезмәттәшлек турында мөһим яңалыклар белән таныштылар.

Атналык дүшәмбе линейкасы бүген дә дәүләт флагларын кертүдән башланды. Директорның тәрбия эшләре буенча урынбасары Ләйлә Финарис кызы Галиева атна дәвамында эшләнәсе эшләргә, чараларга тукталды.