18 май көнне, 13.00 сәгатьтә район мәдәният йортында Э.Н.Фаттаховның 9 класс укучылары белән очрашуы булып узды. Әлеге чарада 9 класс укучылары, класс җитәкчеләре, мәктәп директорлары катнашты.

Кичә, 18 май көнне, Актаныш Балалар сәнгать мәктәбе укучылары бер еллык эшчәнлекләренә йомгак ясап, үз һөнәрләрен Актаныш тамашачысы һәм әти-әниләр хозурына тәкъдим итте. Безнең мәктәп укучылары 2 бию белән чыгыш ясадылар. Хисап концертын  район Башкарма комитеты җитәкчесе Энгель Фәттахов, аның урынбасарлары  да тамаша кылды.

Чисталык айлыгы кысаларында мәктәп яны территориясе җыештырылып тәртипкә китерелде. Чисталык бары тик үзебездән тора.

7 нче май көнне мәктәптә тыл ветераннары белән очрашу узды. Ветераннар  үзләренең үткәннәрен сөйләделәр, укучылар үзләрен кызыксындырган сорауларга өлкәннәрдән җаваплар алдылар. Ветераннар үзләренең матур теләкләрен әйттеләр.Очрашу чәй табыны янында тәмамланды.

4 май  көнне  Актанышта җәйге спорт сезонын ачу нисбәтеннән, Фирая Солтанова - Жданова Кубогына җиңел атлетика буенча эстафета булып узды. Күркәм традициягә әверелгән әлеге чарага район җирлегендәге мәктәпләр, гадәттәгечә, бик теләп катнашты. Ярышларның төп максатлары: укучыларның сәламәтлеген ныгыту, сәламәт яшәү рәвешен пропагандалау һәм районыбыз мәктәпләрендә җиңел атлетиканы популярлаштыру. Әлеге ярышта безнең мәктәп командасы  уңышлы чыгыш ясады.

12 май көне мәктәбебездә язучы якташыбыз, авылдаш Вахит Имамов белән очрашу булып узды. 3 сәгатьтән артык барган очрашуда Вахит абый үзенең истәлекләре белән уртаклашты, укучыларның сорауларына җавап бирде.