Актаныш балалар иҗат үзәгендә игелек бәйрәме үтте.Сәламәтлекләре буенча мөмкинлекләре чикләнгән һәм инвалид балалар өчен күңелле очрашулар оештырылды.Социаль яклау бүлеге хезмәткәрләре белән бергә иртәннән үк барлык бәйрәмгә килүчеләрне каршы алдык.Мул табында янында сөйләшү дә,район җитәкчеләренең котлаулары да,күңелле мастер-класслар да,район үзәгендә оештырылган экскурсия дә бик мавыктыргыч булды бүгенге кунаклар өчен.

Балалар иҗат үзәге өстәмә белем бирү педагогы  Хабибулина Рифа Рифкать кызы Лениногорск шәһәрендә стажировкада  булды.Республиканың барлык районнарыннан килгән педагоглар керамиканың тарихы,эшләү үзенчәлекләре,яңа алымнар белән таныштылар.Иң мөһиме узара фикер алышып,эш тәҗрибәсе белән уртаклаштылар.

1 декабрь көнне Әлмәт шәһәрендә  татарча көрәш буенча дөнья чемпионы Вәлиев Булат Зиннур улы истәлегенә, “Татнефть” призына үткәрелде .Әлеге ярышта Балалар иҗат үзәгендә шөгыльләнүче укучыларыбыз җиңү яуладылар:

1 урын– Шәмсиев Ильназ;

2 урын – Хабетдинов Салават;

3 урын – Гилемов Салават.

Котлыйбыз!

Остазлары Садри Әнис.

Актаныш балалар иҗат үзәгенең техник иҗат юнәлешендә "Авиамодельләштерү" түгәрәге Аккүз мәктәбе  укучыларын да берләштерде.Өстәмә белем бирү педагогы Җәмилов Ринат Флүн улы түгәрәктә шөгыльләнүчеләр белән Зәй шәһәрендә үткән авиамодель спорты ярышларында катнашты. Зәй шәһәренең 4 нче санлы мәктәбендә FIN һәм FIN-150 класслы оча торган планерлар бәйгесендә безнең команда беренче унлыкка керде .Егерме команда арасында  безнең укучыларыбыз Денис Әхмәтов, Данил Ихсанов, Булат Камалов үз модельләре белән уңышлы чыгыш ясадылар.Остазлары- Җәмилов Ринат Флүн улы.Киләчәктә яңа үрләр теләп калабыз!

2 нче декабрь көнне Түбән Кама муницпаль районы өстәмә белем бирү муниципаль бюджет учреждениесенең “Илдус Харисович Садыйков исемендәге балалар һәм яшьләр иҗаты сарае”нда сәламәтлеге буенча мөмкинлекләре чикләнгән һәм инвалид балалар өчен авиамодельләрне очыру буенча  шәхси-команда зона ярышлары үтте.Актаныш балалар иҗат үзәге командасы бу ярышта 2 урынга лаек булды.Ярышлар өч төрдә барды:төз ату,ераклыкка ату,модельнең эшләнеш оригинальлеге. “Авимодельләштерү” түгәрәгендә шөгыльләнүче укучыларыбыз: Арсланов Алмаз һәм Назмиев Фәнзил педагоглары Маликов Асхат Ахмәт улы ярышларга зур хәзерлек белән бардылар.

"Ак калфак" оешмасы өлкәннәре Балалар иҗат үзәге педагоглары белән бик теләп аралашалар.Өстәмә белем бирү педагогы Гөлнара Анварова  бик теләп һөнәри осталыклары белән уртаклашты.Бергәләп фомираннан  матур итеп чәч каптырмалары эшләделәр.Эш алымнарын өйрәнү белән беррәттән, өлкәннәребез узара аралаштылар, киңәшләштеләр.Мондый очрашулар Балалар иҗат үзәгендә традициягә кергән.