Безнең бакчабыз берничә ел дәвамында Башкортстан республикасының тәрбиячеләре белән аралашып, элемтәдә тора. Бүген дә бездә зур кунаклар - Башкортстан республикасы Илеш районыннан мәгариф хезмәткәрләре бакчабыз белән танышырга килгәннәр. Алар барлык төркемнәрдә булып, музыка залы, рус теле бүлмәсен карап, бик нык ошатып киттеләр. Һәм безне дә үзләренә кунакка чакырдылар. Ут күршеләребез белән дуслык чылбыры һәрчак ныклы булсын дигән теләктә калабыз.

Бүген безнең балалар бакчасының мәктәпкә әзерлек Б төркеме балалары янгын куркынычсызлыгы атналыгы кысаларында янгын булдырмау максатыннан тематик раскраскалар буядылар. Шырпы белән уйнарга ярамау, электр җиһазларын кулланганда сак булу балаларга кабат искәртелде.

Шырпы белән уйнауның нәрсә белән янавын аңлату, бигрәк тә янгын чыга калса, нишләргә кирәклеге турында төшендерү мөһим. Балалар бакчасында бу темага зур әһәмият бирәбез. Янгын куркынычсызлыгына багышланган әңгәмәләр оештырабыз, төрле әкиятләр, хикәяләр укыйбыз. Ата-аналар беләндә һәрдаим эш алып барабыз.

Бүген 1нче санлы Актаныш урта мәктәбе базасында районның яшь педагогларның критик фикерләү үсешенә юнәлдерелгән "Преобразование обучения в XXI веке: развитие культуры мышления" тренингы үткәрелде. Әлеге чарада тәрбиячеләр Шавалиева Н.М. һәм Гардиева Г.Р. да бик теләп катнаштылар.

Бүген бакчабызда Советлар Союзы Герое Муса Җәлилнең тууына 113 ел тулуга багышланган чара узды. Чараның максаты - балаларда якташлары, үз Ватаннары өчен милли горурлык хисе тәрбияләү. Әлеге чарада тәрбияче Марданова А.Д. балаларны Муса Җәлилнең тормыш юлы һәм иҗаты белән таныштырды. Балалар Муса Җәлилнең шигырьләренә иҗат ителгән җырлар тыңладылар, кушылып җырладылар, шулай ук балачакта шагыйрь үзе уйнаган уеннарны уйнадылар, шигырьләр сөйләделәр.

Балалар бакчасында балалар белән бик күп төрле темага әңгәмәләр уздырыла. Ә бүген, зурлар төркемендә узган әңгәмә, ахырда бик матур итеп валентинкалар ясау белән төгәлләнде. Чөнки "Изге Вәли" көнендә яраткан кешеңә йөрәк формасындагы открыткалар бирү гадәткә кергән. Балалар исә әлеге матур бүләкләрен иң яраткан якын кешеләренә: әни, әти, апа, абый һәм әби-бабайларына бирәчәкләре турында тәмләп сөйләделәр.

Тормышны яратыйк, бер-беребез белән ягымлы итеп сөйләшик, чөнки балалар - дәвамчыларыбыз, ә без - үрнәк күрсәтүчеләр.

"Изге Вәли" көне белән, дуслар!

"Театр" төшенчәсе үз эченә бик күп мәгънә сыйдырган. Бер яклап, нинди дә булса сәхнәләштерелгән театр карау булса, икенче яктан, сәхнә костюмнарының персонажны ача алуында. Без дә театрр карарга һәм бигрәк тә театр куярга яратабыз. Кул астында булган ташландык материаллардан бик тә кызыклы маскалар килеп чыга икән, ләбаса. Көтегез, нәниләр, тиздән сезнең өчен сәхнәләштерелгән театрыбыз  да әзер булачак!

Кечкенәләр өчен булган уенчыклар барысы да күз явын алырлык, ләкин  матрешкалар белән уеннар - кечкенәләр төркеме балаларының аеруча  яраткан шогыле.

"Сәламәт тәндә - сәламәт акыл" дигән мәкальне истә тотып, бүген, бакчабыз коллективы, районыбызда оешмалар арасында уздырылан чаңгы ярышында актив катнашты. Һәм нәтиҗәләр дә юк түгел: тәрбиячебез Исламова Зөлфия Зәет кызы - 3 урын, оешма җитәкчеләре арасында үткәрелгән ярышта, безнен җитәкчебез Закиржанова Лилия Рәмзил кызы - 3 урын яулады. Әлеге җиңүләре белән котлыйбыз!